Shillong, Sep 17: National People’s Party (NPP)-chi dilenggipa Meghalaya Democratic Alliance (MDA)-2 sorkarini Cabinet-o rimnapako man·gipa sakchet gital minister-rangna Budbar salo, a·dokni Chief Minister Conrad K Sangma, portfolio-rangko sualataha.
Ia sakchet minister-rangara, Jowai-ni NPP MLA Wailadmiki Shylla, Jirang-ni NPP MLA Sosthenes Sohtun, Dalu-ni NPP MLA Brening A Sangma, Resubelpara-ni NPP MLA Timothy D Shira, Mairang-ni United Democratic Party (UDP) MLA Metbah Lyngdoh, Amlarem-ni UDP MLA Lahkmen Rymbui, Mawshynrut-ni HSPDP MLA Methodius Dkhar aro South Shillong-ni BJP MLA Sanbor Shullai ong·a aro ia minister-rangko Mongolbar salo, a·dokni Governor CH Vijayashankar, Raj Bhavan-o ku·mikchetdilangaha.
Cabinet-ko sualpiltaianio, Cabinet affairs aro finance department-ko man·chape gipin minister-rangna on·gijagipa department-rangko Chief Minister an·tangan jako ra·rikaha aro a·dokni deputy CM sakgni, chong·motan Prestone Tynsong baksana Sniawbhalang Dhar-ba an·tangtangni portfolio-rangko man·piltaiaha.
Home (police), public works department (roads & buildings), district council affairs (DCA) aro parliamentary affairs department-ko Deputy CM Prestone Tynsong, jako ra·angkugen aro urban affairs department, transport department, commerce & industries department aro prisons & correctional services department-ko sakgipin Deputy CM Sniawbhalang Dhar, jako ra·angskakugen.
Cabinet-o chief minister-ni rimrikgipa Marcuise N Marak-ba soil & water conservation, public health engineering (PHE) aro housing department-ko jako ra·angkugen.
Gital minister-rangoni Metbah Lyngdoh-na power department, water resource department, taxation department, aro textiles department-ko Chief Minister on·aha aro sakgipin minister Lahkmen Rymbui-na education department, revenue & disaster management department, information and public relations department aro law department-ko on·skaaha.
Assembly-ni gitcham Deputy Speaker Timothy D Shira-na tourism department, agriculture department aro fisheries department-ko on·enba, Dalu-ni NPP MLA Brening A Sangma-na border area development department, excise department aro home (civil defence and home guards) department-ko on·skaaha.
Jirang-ni NPP MLA Sosthenes Sohtun-na community & rural development department (C&RD), secretariat administration department (SAD) aro general administration department (GAD)-ko on·aha aro Jowai-ni NPP MLA Wailadmiki Shylla-na Health & Family Welfare department, Sports & Youth Affairs aro Home (Passport) department-ko on·skaaha.
BJP MLA Sanbor Shullai-na Animal Husbandry & Veterinary department, Arts & Culture department, Printing & Stationery department aro Legal Metrology department-ko on·e, Mawshynrut-ni HSPDP MLA Methodius Dkhar-na Food Civil Supplies & Consumer Affiars department, Labour Employment & Skill department, Registration & Stamps department aro Cooperation department-ko Chief Minister suale on·skaaha.
Na·simang iakoba nina man·gen:
Na·simang iakoba poraina man·gen: W’nagar-o ‘Swasth Nari, Sashakt Parivar’ Abhiyan-ko a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
