Shillong, Nov 21: Shillong Cherry Blossom Festival 2022-ni bak gita gnigipa Shillong Literary Festival-ko Sombar salo, Meghalaya a•dokni Chief Minister Conrad K Sangma, Shillong songjinmani Ward’s Lake-o do•ga oe on•angaha.
Inaugurated the 2nd Edition of the Shillong Literary Festival as part of the #ShillongCherryBlossomFestival at Wards Lake.
Wards Lake, coloured in #CherryBlossom pink this year will add to the beautiful discussions that will take place at the Literary Festival@kishanreddybjp pic.twitter.com/J184qL403x
— Conrad Sangma (@SangmaConrad) November 21, 2022
Ia Shillong Literary Festival-ko do•ga oe on•angani somoio a•dokni Chief Minister, jinmana aganprakangengon, ia bilsio Ward’s Lake-o nitobegipa Cherry bibalrangchi, ia Literary Festival-o chanchirimanirangko nitobatatna sienga ine parakangaha.
Meghalaya a•dokni nitoanian, ia salgittamna ong•atenggipa Shillong Cherry Blossom Literary Festival-o bak ra•enggipa dingtang dingtang biaprangni poedo serakgipa, ki•tap serakgipa aro uandakgipa manderangko muni nangatchongmotgen ineba Sangma aganaha.
Shillong songjinma aro Shillong songjinmao songdongenggipa manderangni nitoanian ia festival-o bak ra•enggipa manderangni jakni kamrangko namdapatna dakchakgen ine janapatengon, mikkangchiba iandakgipa didiani golporangko knaangkuna nisamsoenga ine Chief Minister parakataha.
So nice to be joined by Padma Shri awardee Prof. Badaplin War, noted filmmaker & author @SanjoyHazarika3, officials of @meghtourism and students at the inauguration.
Look forward to many inspiring stories in the days to come.
— Conrad Sangma (@SangmaConrad) November 21, 2022
Ia Shillong Literary Festival-ko a•bachengatanio dongpae bakko ra•anggipa gipin manderangara, Padma Shree upattiko man•gipa Prof Badaplin War, jawilwat tarigipa aro golpo serakgipa Sanjoy Hazarika, Meghalaya Tourism-ni official-rang aro chatro chatrirang ong•a.
