26.4 C
Tura

Synod College-o ong•atenggipa Int’l Seminar-ko CM a•bachengata

Must read

Shillong, Nov 21: Shillong songjinmani Synod College-o salgnina ong•atenggipa International Inter-Disciplinary Seminar-ko Sombar salo, Meghalaya a•dokni Chief Minister Conrad K Sangma-ni jakchi a•bachengate on•angaha.

Ia seminar-ko a•bachengate on•anganio a•dokni Chief Minister, tom•anio bak ra•giparangna aganprakengon, Look South Policy-ara Meghalaya aro a•songna namen gamchatbegipa ong•a aro Act East policy-ara salgro salaram jolon pangchake tarigipa ong•ani gimin salgro salaram jol ning•on ong•na nanga ine aganangaha.

A•dokrangni gisepo abisa ma•drang gita meli-nangrimani dongna nanga ine janapatengon, “An•ching gipin a•dokrangoniko bang•en skie ra•grikna gita man•a aro an•ching an•tangtangni daka rikanirangko aro cholrangko gipin a•dokrang baksa sualgrikgenchimosa a•song bilakgipa ong•na man•gen,” ine Sangma parakataha.

Salgro salaram jolo Presidential Retreat donna nangengani giminba ia tom•anio a•dokni Chief Minister janapangaha.

Salgro salaram joloni Bangladesh gita West Bengal a•dokona re•a doani kolrang donggenchimode re•a doani somoi aro chel•aniko bakkandikatna dakchakani ong•gnokgnok ineba Chief Minister aganaha.

More articles

-->
-->

Latest article