Tura, Jan 10: West Garo Hills a·jani Deputy Commissioner Vibhor Aggarwal, Goalgaon-Rajabala-o a·sel ong·ani gisepon, a·jao tom·tomaniko ra·bana songgigrikna miksonganio Tura Circuit House-o tom·aniko ong·ataha aro ia tom·anio, Superintendent of Police, a·jani a·gipbi officialrang, toromko dilgiparang aro songsalo dilgiparang dongpae bak ra·angaha.
Unbaksana, Tura jolni Central Puja Committee, Tura Mosque, Senior Citizens Forum, Tura Mothers Union aro chadambe dilgiparangba ia tom·anio bak ra·angaha.
Ia chanchirimanio bak ra·gipa sakantian jatska jatgipin baksa meli nangrimgrikna aro tom·tomaniko rakkina nangani gimin janapangtokaha aro toromko aro songsalo dilgiparangba, chu·gimik Administration baksa bakrimna aro tol·e jangbingbangatgiparangoni naljoke dongchina u·iataniko on·a kang·kare kae ra·angaha.
Indake, sianggipa mandena kakket bichalko ka·e on·a ku·rachakan baksa, Rajabala aro Phulbari-oba apsan daken tom·tomaniko rakkina tom·bimonganiko ong·atenga ine Deputy Commissioner janapataha.
Iani gisepon Superintendent of Police Abraham T Sangma-ba, ia a·selni bidingo mokordomako segataha aro jak donggipa bang·a manderangni nokko Police-rang chadrapaha aro kate chakenggipa quarry malikko rim·naba Police-rang krenge kamko ka·enga ine aganaha.
Iani bidingo social media-rango tol·e jangbingbangatode uamangni kosako raka ja·kuko de·gen aro police-rangoni kakket koborko man·sokuja dipet tol·e agananirangko bebe ra·na nangja ine songdongenggipa manderangna mikrakataniko on·angaha.
Indake, a·jani dingtang dingtang bakrango Police-rangko donataha aro uasan ong·aigija sima ari gita napsrukaniko champengsona man·a gita Assam Police-naba koborko on·ataha ineba ua agandapaha.
Iarangna agreba bostuni damrangko bate pala sim·aniko daknaba donga inenba Bazaar Committee-ni gita nirok sandianiko dakchina Supply Department-oni u·iataha ine Deputy Commissioner parakataha.
Na·simang iakoba nina man·gen:
Na·simang iakoba poraina man·gen: Goalgaon-o a·sel ong·anio jak donggipa manderangni kosako raka sastiko on·gen ine M’laya CM ku·chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
