35.6 C
Tura

Gong crore 100 ni Bulk Water Supply Project, MegARISE-ko CM a•bachengate on•a

Must read

Tura, Feb 17: Tura songjinmani dingtang dingtang gittimrangona chiko sokatna man•a gita, gong crore 100-ni Bulk Water Supply Project, MegARISE-ko, Speaker Thomas Sangma, PHE Minister Marcuise Marak aro Lok Sabha-ni MP Agatha K Sangma-ni dongpaanio, a•dokni Skotong Minister Conrad K Sangma, Tura-ni Ballonggre-o a•bachengate on•angaha.

Ia tom•anio, a•dokni Skotong Minister, Conrad K Sangma, da•alo a•dokni economy-ko niatgenchimode gong crore 45,000 mangni gitasan ong•aia jekon namdapatna gita nangengani gimin bilsi gimiko 11.5 percent GDP-ko man•a gita mangsonge ja•ku de•aniko dakenga inenba aganaha.

Indake, ia gong crore 100-ni project-ko, North East Special Infrastructure Development Scheme (NESIDS)-ni ning•o Ministry of DoNER-ni gita chamataha. Ia project-ko matchotahaon, West aro South West Garo Hills a•jani ning•o ong•gipa Rongram, Rerapara aro Gambegre Block-rangni ning•o donggipa dam 41 songrangona chiko sokatna gita man•gnok. Unbaksana, Tura songjinmani ning•o donggipa gittim antionaba chu•unga gita chiko on•a man•gnok.

Ia project-na agreba, ia songrang Tura Urban Water Supply Scheme-o pangchake janggi tangtokenga aro ia project-ni ning•o, chiko saldoani nokrangko, reservoir-rangko, staff quarter-rangko aro uandake gipin rika cho•anirangko dakanggen.

Ia MegARISE-ko mongsongbate a•dok ning•o donggipa chiring chibisikrangko ripinge rakkina miksonge a•bachengatani ong•achim. East Khasi Hills (EKH) a•jani Umiew chibisik aro West Garo Hills (WGH) a•jani Ganol chibisikrangko mongsongbate ripingna gita nangenga, maina  Meghalaya-ni Shillong aro Tura songjinmao dongenggipa manderang, ia chibisikrango mongsongbate pangchake janggi tanggiparang ong•a inenba Sangma aganangaha.

Ia project-ko chu•sokatna gita, a•dok sorkari KFW(German Development Bank) baksa nangrime kamko ka•enga. Ia project-ni ning•o, dam 106 songrang , ia chibisikrangoniko chirangko man•gen ineba ua agandapataha.

Na·simang ia video-koba nina man·gen:

Na·simang Iakoba poraie nina man·gen: Women & Child Rights & Child Labour-ni Legal Awareness programme-ko salsana Tura-o ong•ata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

More articles

-->
-->

Latest article