28.2 C
Tura
spot_img

Women & Child Rights & Child Labour-ni Legal Awareness programme-ko salsana Tura-o ong•ata

Must read

Tura, Feb 17: Women & Child Rights & Child Labour-ni Awareness programme-ko chongmotan, me•chikrangni aro bi•sarangni man•gni bilrangni gimin, songni nokma ba songko nokko dilenggiparangna Awareness programme-ko ba u•iataniko, Sonibar salo Dakopgre-ni SMELC Building-o ong•atangaha.

Ia programme-ko, West Garo Hills Tura-ni District Administration aro Meghalaya Administrative Training Institute (MATI) Shillong baksa nangrimenba, Department of Personnel and Training (DoPT) Government of India-ni dakchakaniko man•enba ong•atangaha.

Legal Awareness on Women & Child Rights & Child Labour for Traditional Heads held

Ia tom•aniko oprake on•engon, Nokma Council-ko dilenggipa Padot Skylance G Momin jinmana aganengon, me•chikrangni aro bi•sarangni man•gni bilrangni gimin, pilak Nokmarangan u•ie ra•na nangchongmota aro uarangni gimin joltangni manderangna u•iataniko on•a nangskaa inenba aganaha. Una agreba, pilak gamrangko me•chikrangni man•rikgni bilrangni bidingo janapengon, songsalni pilak kamrango dangdike on•anio me•chikrangan mongsonggipa bakko ra•e kamko ka•a, indake ong•genchimoba bang•bata somoion me•chikrangko mikchepe ra•na am•skaa ineba ua aganangaha.

Nokdangni pilak kamrango me•chikrangni on•kange dangdike on•ani gimin, me•sarang uamangni krenge dangdike on•a jotton ka•aniko gamchatnikna nanga aro mitelpilskana gita nanga ineba ia agandapataha .

Unbaksana, bi•sarangni man•gni bilrangni gimin agane on•engon, bi•sarangko chonaoni kam ka•e cha•ataniko dakjachina gita sakgipinrangnaba u•iataniko on•skachina ineba ua ku•pattian baksa, manigija ia bewalrangko dakgenchimode niam gita sastiko on•a man•a ineba agandapataha. Una agreba, niam gita me•chikrangni aro bi•sarangni man•gni bilrangni gimin agananiko, radio aro TV-rango on•enggipa Garo Programme-onikoba knasona aro nisona gita man•gen ineba ua u•iatangaha.

Indake, ia tom•anio Technical session-ko ong•atanio, Meghalaya a•dokni ning•o me•chikrangni kosako aro bi•sarangni kosako kragija bewalrangko jakkalengani bidingo dingtanganiko ra•baani dingtang dingtang katta bichongrangko ra•enba dingtang dingtang Offial-rangchi talate on•anganikoba dakangaha.

Na·simang ia video-koba nina man·gen:

Na·simang Iakoba poraie nina man·gen: Gurgaon ramao a•sel ong•e Ri-Bhoi police sia

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article