Shillong, Mar 7: Greater Shillong Water Supply Scheme-ko re•baenggipa September jani gisepon matchotgnok ine Sombar salo, Meghalaya a•dokni PHE Minister Renikton Tongkhar parakataha.
Sombar salo ua PHE-ni official-rang aro ia scheme-ni kamrangko ka•enggipa contractor-rang baksa tom•e chanchirimangani ja•man iako parakataha.
Kamrangko ta•rakbatate somoi gita matchotatna sorkari, contractor-rang baksa tik ka•e donangaha ineba Tongkhar parakataha.
Ia kamko somoi gita matchotatna jotton ka•anio jolni dilgiparangkoba contractor-rang baksa bakrimaniko on•china gita ua didiataha.
PHE Minister-ni parakatani gitade, ia Greater Shillong Water Supply Scheme-ko matchotna gita somoiko sorkarini gitade tik ka•e donjaha indiba contractor-rang an•tangtangan donahachim.
