Williamnagar, Sep 28: Garo Students Union (GSU) eastern zone (EZ)-ni election-ko re·baenggipa October-ni 20 tariko ong·atna gita GSU central executive committee (CEC)-ni president Tengsak G Momin-ni tik ka·e, iana caretake songe on·aniko GSU eastern zone-ni ning·o donggipa Mangsang unit, Rongjeng unit, Dobu unit, Nengkra unit, Samanda unit, Songsak unit aro Rongmil unit-rang jegalatenba, ia election-ko ong·atna gita ua ia unit-rang baksa changsaba chanchirima dongkujachim ine parakattokaha.

“Da·o dipet Tengsak Momin, GSU eastern zone-ni regional unit-rang baksa maming golpoaba dongkuja aro ku·mongrimaba dongkuja. October-ni 20 tariko GSU-EZ-ni election-ko ong·atgen ingipani giminba chinga regional unit-rangnade u·iata dongkuja aro ian Tengsak saksani ku·rangsan ong·aia,” ine GSU-EZ-ni ning·o donggipa dingtang dingtang unit-ni dilgiparang parakatenba, iano GSU-EZ-ni regional unit-ko dilenggiparangde maming bak dongja ine talataniko on·ataha.

Indake ong·engon, GSU-EZ-ni gitcham dilgiparangna dongimin term bon·ahani gimin eastern zone-ni election-ko ong·atani bidingo chanchirimna gita re·baenggipa October-ni 2 tariko GSU-EZ-ni ning·o donggipa pilak regional unit-rang, Williamnagar-ni GSU office-o tom·aniko ong·atenga aro ia tom·anion uamang election-ko ong·atna gita caretaker aro election commissioner-koba songe donangjolgen ine GSU-EZ-ni ning·o donggipa regional unit-rang parakataha.

GSU-CEC-ni gital president aro gipin dilgiparangko seokna gita election-ko ong·atgija donchipengani giminba GSU-EZ-ni ning·o donggipa dingtang dingtang regional unit-rang, Tengsak Momin-ko sing·doataha.

Iakoba poraie nina man·gen: Tura-o World Rabies Day-ko manianga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub