Williamnagar, Sept 22: Garo Students Union, Eastern Zone, Williamnagar-ni eleksinko ong·atchina mitam manderangni dabiengani gimin batangigmin salo iani bidingo zone-ni dilgiparang adita talataniko on·angahaoba, ia eleksinko ra·e adita ra·chakna man·gijanirang dongkuaiengani gimin Sukrobar salo Williamnagar Eastern Zone Office-o tom·aniko ong·atangenba dingtang dingtang dilgiparangni chanchirime tik ka·anganiko CEC-ni president, Zicko Balgra N Marak talataniko on·angaha.
Eastern Zone ine aganon iano dingtang dingtang regional unit-rangko man·gopa aro iachisa zone ge·sa ong·na man·a, aro zone-ni eleksiko skatang ong·atna man·ja indiba unit ba regional unit-rangba iano bak donga aro unit-rang baksa ku·mongchengesa je kamkoba ka·na gita nanga ine talataniko ong·engengon, GSU inon chatrorangko skanggipa done kamko ka·na gita nanga aro zone-ni eleksinko ong·atanio poraienggipa chatro-chatrirangba bak man·paa, aro iani gisepon mikkangchi porikka ba selection-rang donga baksana November jaon bilsini porikkaba dongani gimin poraienggipa chatrorangni namgnina chanchie zone-ni eleksinko ong·atkugija iako ra·doangna gita dingtang dingtang regional unit-ni dilgiparang tik ka·aha ine CEC-ni president parakataha.
Follow NE Hub News with just a Click on Whatsapp; Direct Link here
Zone-ni eleksinko ong·atna skangba, CEC-ni eleksinko ong·atchengna nanganiko chinga nangnikenga maina, CEC-ni eleksinko ong·atgijan bilsi 15 batpilengaha ine janapatenba, chinga ia bilsion CEC-ni eleksinko ong·atna gita kamrangko ka·gnok uni ja·manosa zone aro unit-rangni eleksinko ong·atanggen ineba ua talataniko on·ataha.
Indake ong·engon, Eastern zone-ni eleksino chakatna am·enggiparangko on·tisa sengnapchina gita ua mol·molatenba, zone-ni term ia September jaosa bon·engani gisepon eleksinko ong·atna gita mikkango adita neng·nikanirang donga baksana, dingtang dingtang ja·rikna nanganirang donganichi eleksinko ong·atna gita somoiko nanga ineba ua talataniko ong·angaha.
Iakoba poraie nina man·gen: Don Bosco College-o Renewable Energy-ni Seminar-ko ong•ata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
