Williamnagar, Sep 24: Adita salrangna skang, Williamnagar-ona re·bae, da·o ong·enggipa Garo Students Union (GSU) Eastern Zone-ni term-ko bon·atenba, gital election-ko ong·atna tik ka·e donangahani gimin GSU central executive committee (CEC)-ni padot Tengsak G Momin-ni kamko GSU-EZ-ni padot Saljrang Tengrik R Marak, raken jegalatskaaha.

GSU eastern zone-ni gital dilgiparangko seokna gita election-ko ong·atchina eastern zone-ni ning·o donggipa mitam membor-rang dabitokengani gimin adita salrangna skangsan, GSU-CEC-ni padot Tengsak G Momin, Williamnagar-ona re·baenba, GSU-EZ-ni election-ko ong·atani bidingo eastern zone-ni ning·o donggipa mitam membor-rang baksa chanchirimangahachim ine nikna man·a.

Indake ong·engon, Momin-ni iandakgipa kamko GSU-EZ-ni da·o padot ong·e kamko ka·enggipa Saljrang Tengrik R Marak jegalatskaenba, ia tom·aniko ua GSU-EZ-ni ning·o donggipa regional unit-rangna kobor on·chenggijasa ong·ataha ine matnangataha.

Da·o ong·enggipa GSU-EZ-ni term matchotahaode gital dilgiparangko seokna gita election-ko ong·attelgen ine parakatengon, bilsi 15-na GSU-CEC-ni padot ong·e donganiko ua basakosa wate gital election-ko ong·atna am·enga ine Momin-ko GSU-EZ-ni padot sing·doataha.

Williamnagar jolo donggipa chatro chatrirangni okamataniko man·esa ua Williamnagar-ona re·bae GSU-EZ-ni election-ko ong·atani bidingo chanchirimaha ine Momin-ni agangipa kattarangko jegalatskaengon, una chitti seatgipa membor-rangko ua name sandichengjahakon maina una chitti seatgipa mitam membor-rangde chatro chatrirangba ong·ja indiba politics-o nappilgipa manderangsa ong·a ine GSU-EZ-ni padot Saljrang Tengrik R Marak parakataha.

Iakoba poraie nina man·gen: Bilsi 53 ong•gipa me•chikma BA Degree-ko matchota

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub