Guwahati, Jan13: Indian Railway a·songni skanggipa Vande Bharat Sleeper Train-ko Guwahati-Howrah ramao January jani 17 tariko a·bachengatgen. Assam aro West Bengal-o relgario songreaniko namdapatna ia relgariko Prime Minister Narendra Modi a·bachengate on·anggen.
Ia Vande Bharat Sleeper Express, Kamakhya Railway Station-oni re·chakatgen aro gitcham relgarini somoi ra·ana bate konta 13-14-o chu·gimik songreaniko matchotate konta 3 ba konta 4 somoirangko a·gitchapilatgen.
Northeast Frontier Railway-ni Chief Public Relations Officer (CPRO), Kapinjal Kishore Sarma, ia ja·ku de·aniko itihas-o gisik ra·na krabegipa ong·a ine aganengon, ian Assam aro West Bengal-na namen nangchongmotgipa ong·a ine u·iatangaha.
Guwahati aro Kolkata ru·uta somoirangoni jatni dakbewal rikbewalrang, lekka pora bida aro bading chiwalanio pangnan ku·mong nangrime dongengani gisepon, ia walo re·gipa relgari chatro chatrirangna, kam ka·e cha·giparangna aro olakkianiko dakna Kamakhya Temple ba mondir-ona re·anggipa manderangna songreaniko mangrakbatatgen ineba ua agantalate on·angaha.
Ia relgario chasong gitalni namgnirang jekai nambata naljokani, dongtoani, chasong gitalni paikanarang, wa·aloni naljokani cholrang aro cha·ani ringanirangko namdapatgen ine Sarma aganangaha. Guwahati-oni re·chakatani somoio relgario songregiparangna tarigimin cha·anirangko man·gen aro Kolkata-oni re·bapilani somoio uamang Bengali cha·anirangko man·skagen.
Ia walgimik songrena sigipa relgari, India-ni Salaram aro Salgro Salaram jolrango songreaniko ta·rakbatgipa, naljokbatgipa aro dongtobataniko on·a ka·dongsoenga.
Na·simang iakoba nina man·gen:
Na·simang iakoba poraina man·gen: Ri Bhoi a•jao tosok tarigipa karkanako wa•al kama
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
