Guwahati, May 12: Robibar salo, Udaipur-oni Narayan Seva Sansthan dolni gita skanggipa changna ja•kora jakkora ong•gipa manderangna ‘Free Artificial Limb Camp’-ko Guwahati songjinmani Paltan Bazar-o donggipa Aashi Apsara Hall-o ong•atangaha aro ia camp-ko ong•atanio sak 600-na baten ja•kora jakkora ong•gipa manderang aro dingtang dingtang dolni dilgiparangba bakko ra•angtokaha.
Ia Free Artificial Limb Camp-ko Assam-ni Governor Gulab Chand Kataria a•bachengate on•angaha aro camp-ko a•bachengate on•angengon, ia camp-ona re•bae bak ra•anggipa ja•kora jakkora ong•gipa manderang aro uamangni nokdangrangna an•tangni namgipa skaniko on•angaha.
Ia tom•anio Narayan Seva Sansthan-ni director Vandana Agarwal-ba jinmana aganprakengon, ja•kora jakkora ong•gipa manderang an•tangtangni ja•a jakrangko namatna sikgenchimoba Udaipur-ona re•angna chol ong•jani gimin Sansthan dolni membor-rang, uamangna dakchake on•na gita Guwahati-ona re•baskaaha ine parakataha.
Ia camp-ko ong•atanio sak 600-mangni gita ja•kora jakkora ong•gipa manderangko porikka ra•e niangaha aro ia manderangna jagnini ja•man Artificial Limb ba ja•a jakni pal chatskana man•gipa bosturangko on•atgen ineba Agarwal aganaha.
Na·simang ia video-koba nina man·gen:
Na·simang iakoba poraina man·gen: International Nurses Day-ko USTM-o mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
