Khanapara, May 11: International Nurses Day-ko, Florence Nightingale-ni atchiani salko gisik ra•ani gita aro mande ra•ani gita, PA Sangma International Medical College & Hospital (PIMC) aro University Hospital of Ayurveda and Naturopathy (UHAN) nangrimenba, University of Science and Technology Meghalaya (USTM)-o maniangaha.
Ia manianio, USTM-ni Chancellor, Mahbubul Hoque aro Vice Chancellor, Prof. GD Sharma mongsonggipa sokgipa ong•aha. Una agreba, USTM-ni Advisor, Dr. RK Sharma, PIMC-ni Medical Superintendent, Dr. Rashna Dass Hazarika baksana gipin Doctor-rang aro nurse-rang, ia manianio bak ra•angaha.
Indake, Mahbubul Hoque, nurse-rangan, sana bananiko nangnikenggipa manderangna an•sengbaljokaniko on•anio, ka•dimeaniko on•gipa, simsak nirokaniko on•anio aro an•sengatpilna dakchakaniko on•anio mongsonggipa ong•e kamko ka•giparang ong•a ine aganaha. Unbaksana, uamangni salantio on•kange dangdike on•anina mitelpilskaanikoba dakangaha.
Prof. GD Sharma-ba, nurse-rangni an•sengbaljokani a•bao ka•gni kamrangni gimin janapengon, teng•sugipa chakkini me•chik, Florence Nightingale-ni on•gilanggimin kamrangko mande ra•an baksa gisik ra•aniko dakangaha. Indake, USTM-ni Chancellor, a•dokni ning•tugipa biaprango dongenggipa manderangna an•sengbaljokaniko on•a aro Ayurvedic Medical College and Hospital aro PIMC-ko national aro international gadangona tang•doatna niksamsoanirang gnang ineba ua aganaha.
Dr. Rashna Dass, sanna bananiko on•ani gamchatani gimin aro an•tangna chanchipilgija nurse-rangni dangdike on•ani gimin mongsongbate, critical care unit-rango aro emergency service-rango, uamangni dangdike on•ani gimin talate on•angaha.
Ia manianio, katchaaniko aro saksa sakgipinna ka•dongchakgrikaniko miksonge nitobee nurse saksani tarigimin cake-koba rataniko dakangaha.
Na·simang ia video-koba nina man·gen:
Na·simang iakoba poraina man·gen: Umiam-oni Malidor-ona four-lane ramako tarina survey ka•ani matchotangengaha: Tynsong
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
 aro University Hospital of Ayurveda and Naturopathy (UHAN) nangrimenba, University of Science and Technology Meghalaya (USTM)-o maniangaha.){kind=link}