Shillong, May 2: Shillong songjinmani Them Iew Mawlong (Harijan Colony)-o songdongenggipa nokdangrangoni nok 194-san sorkario kam ka•enggiparang ong•a ine Shillong Municipal Board (SMB)-oniko RTI ka•e man•ani ja•manba iani bidingo apsan department-onikon talataniko am•taina tik ka•ahani gimin Hynniewtrep Youth Council (HYC)-ni dilgiparang, a•dok sorkariko sing•doataha.
Iani bidingo talataniko on•angengon, HYC-ni RTI ka•e sing•sandianina, Harijan Colony-o songdongenggipa gimik 342 nokdangrangoni nok 194-mangmangsan sorkario kam ka•enggiparang ong•a ine SMB-onin talataniko on•manaha indide da•o maini gimin ia apsan department-onikon a•dok sorkari, talataniko am•taina nangkuenga ine HYC-ni president Roykupar Synrem sing•doataha.
Harijan Colony-o songdongenggipa nok 194-san sorkario kam ka•enggipa nokdangrang ong•ani gimin Harijan Colony-ko apjitanio sorkari, ia biapo songdongenggipa gimik 342 nokdangrangnade a•arangko aro dongchakanirangko on•na nangja ine HYC dabiengachim.
Indake ong•engon, uamang an•tangtangni dabianion kim•kim ong•angkuaigen aro SMB-ni gita sorkarina maiko aganchak uko nienba nanga gita ja•kurangko de•anggen ine Synrem, kobor ra•timgiparangna parakataha.
Them Iew Mawlong-o songdongenggipa 148 nokdangrangde SMB ba sorkario kam ka•gipa nokdangrang ong•jani gimin niam gri songdongenggiparangsa ong•a aro ia biapo songdongenggipa nokdangrangko dingtang biapona apjitanio ia 148 nokdangrangde a•a ba dongchakani nokrangko man•na nangja ineba HYC-ni president dabiangaha.
Them Iew Mawlong-o songdongenggipa nokdangrangko apjitatanio kamrangko ru•utatchae dongjachina gitaba ua sorkariko mikrakataha.
Na·simang ia video-koba nina man·gen:
Na·simang iakoba poraina man·gen: South Garo Hills-o 35-40 million bilsimang ong•gipa fossil-rangko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
