Shillong, July 5: Shillong songjinmani jeng-jabolrangko galchakgipa Marten Landfill-o samrangko skatang galenganina re·anggipa June 29 tariko badi ka·doanggipani bidingo, a·dokni Health Minister Ma Ampareen Lyngdoh, Butbar salo National Health Mission-ni Director-ko gong·raken committee-ko songchina gita didiangaha.
Ia mamlani bidingo aganangengon Ma Lyngdoh, committee-ko jensomoio songahaon mikkangchi kamrangko ka·ani gimin uamang chanchirimgen ine janapatenba, jabolrangko galchakgipa biapo samrangko skatang galanina health minister an·tangba suk ong·gijaniko parakange, mikkangchi apsandakgipa obosta ong·taijana gita ka·dongataniko on·angan baksa, iandake samrangko skatang galenggiparangni kosako sinjetanirangko on·na gitaba minister, ka·dongataniko on·angjolaha.
“Municipal Board-ni jabolrangko galchakenggipa Marten-o sawa maidake skatang napenba garirango salbae samrangko galna cholko man·enga iani gimin ma·sina man·kuja ine janapatengon, Marten-o jabolrangko galanio bang·a neng·nikanirang dongani gisepon, nangnika gita skatang jedakgipa bosturangkoba garirango salbae jabol galchakramo galena gita man·ja, iako dakani niamrang donga aro niamo pangchake galgenchimode da·o gita obosta ong·gnioniko champengsona man·genchim aro mikkangchide iarang ong·taina gita chinga on·jawa,” ine Ma Lyngdoh janapatjolaha.
Iakoba poraie nina man·gen: David Thiek-ko sko sotaniko jegale, song-nokko nitimgipa sak 2000 mang volunteer-rang Manipur-o re·joma
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
