Shillong, August 01: East Khasi Hills aro Ri-Bhoi a·jarangni HNLC-ni area collector ine an·tangko a·kangenba saksa Synshar Khymdeit minggipani bimingo, chona-remako bading-chiwale cha·enggipa me·chik saksana tangka lak 20-ko dabie seatgipa email-ko man·soaniko joltangoni kobor ra·timgiparangna ua me·chikni parakangani ja·man, Shynshar Khymdeit an·tangko maming dos dongja aro champengata man·gipa HNLC bobil dol baksaba maming jak dongja ine Mongolbar salo a·kangataha.
Ia obostani bidingo Khymdeit-ni Mongolbar salo kobor ra·timgiparangna agananganio, ua an·tangko a·jani darang pressure group baksaba bak dongja aro HNLC bobil dolni memborba ong·ja ine u·iatangaha.
Indake ong·engon, bobil dol HNLC-ni saksa bading-chiwale cha·gipa me·chikoniko tangka dabiatgipao uni biming dongskaaniko sing·on, Khymdeit, iani bidingo ua an·tangba ma·sija indiba saoba an·tangni man·gnina uni bimingko pale cha·aha ine aganchakangaha.
Ia mamlani bidingo Shillong-ni ge·sa police station-o ijahar ka·angaha ineba ua agandapataha.
Iakoba poraie nina man·gen: IAF-ni Mi 17 V5 adasu, Jammu aro Kashmir-o nosto ong·changgipa ge·gipin adasuko saldoa
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
