Guwahati, Apr 17: Budbar salo, a•songni Prime Minister Narendra Modi, Assam a•dokona re•bae Nalbari-o manderangna aganprakangaha aro Assam-ni manderangna Bohag Bihu-ni namgipa skanirangkoba on•angjolaha.
Ia tom•anio PM Modi, Assam a•dokni bang•bea manderangna aganprakangengon, 2014 bilsio ua ka•dongani baksasa Assam-ona re•baahachim, uni ja•man 2019 bilsio ua bebera•ani baksa re•baaha aro ia 2024 bilsio ua ku•rachakani baksasa Assam-ona re•baskaaha ine parakataha.
“Modi-ni ku•rachakaniara ku•rachakanirangko chu•sokatna ku•rachakanian ong•a,” ine ua aganaha.
Uni aganprakanio PM Modi, BJP-ni Sankalp Patra-ni giminba jinmana agan-talate on•angaha.
NDA sorkaride darangkoba mikkang nitegipa sorkari ong•ja ine janapatengon, “Sorkarini badiaba scheme aro program-rango na•simang nichanggalako man•ahama?” ine PM Modi, Assam-ni manderangko sing•doatenba, nokdang ge•antion bilsi 70 batgipa manderang donga aro bilsi 70 batgimin manderang, lak 5-ona kingking indin sanna banani cholrangko man•gen ine parakataha.
Assam a•dokni Kamakhya aro uandakgipa dingtang dingtang nitogipa biaprangko ripinge rakkina gita kamrangko ka•engani gimin ua dingtangmancha Assam-ni BJP sorkarikoba mittelpilangaha.
Na·simang ia video-koba nina man·gen:
Na·simang iakoba poraina man·gen: 2024 Lok Sabha Election-o Tura aro Shillong seatrangna susaanio da•o dipet tangka gong 43 crore-rangko rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
