Shillong, April 17: 2024 bilsini Lok Sabha Election-na ge•gni parliamentary seat-rang chongmotan Tura aro Shillong seat-rangna susana siengon, Meghalaya-ni Election Department a•doko jakgitel aro kakket election-ko ong•atna tarisamsoanirang name matchota.
Battanggimin bilsirango chu•gimik pu•ongiparang 71.42 percent mang gapoba, ia bilsini election-o manderangni gisik nangani aro campaign-rango bak ra•anirangko nigrikenba chanchisamsogipa dolrangni aganani gitade ia bilsi vote pu•onanirang bang•batgen.
Kakketko agangenchim ongode, department-ni gita CrPC-ni bang•bea Section-rangni ningo chu•gimik 1938 case rangni baridapaniko nikna gita man•aha, indake 2024 bilsini April 11-onade election-ni bidingo ming gittam FIR-rangkoba segataha.
Da•o dipet, Model Code of Conduct (MCC)-ko ra•gatna skang aro ra•gata jaman, Shillong aro Tura parliamentary seatrangna susaanio chu•gimik tangka rim•anirang gong 43.13 crore gapaha.
“Da•o sal ding•anirangko nigrikenba, pilak tarisamsoanirangko dakman•aha. Indake, a•doko ia election-ko ong•atanio kam ka•na gita sak 30,000-oni 35,000 rangona manderangko seokman•aha, jean dingtang dingtang gadangrango donge kamrangko ka•anggen, jeon reserved personnel aro security personnel-rangkoba man•chapa,” ine Chief Electoral Officer BDR Tiwari janapataha.
Una agreba, skul bi•sarangni political campaign-rango bak ra•ani giminba uamang koborko man•enba uamangna u•iatanirangkoba on•manaha.
CEO, District Election Officer (DEO)-rangko area tangtangni report-rangko on•china gitaba u•iataha.
Na·simang ia video-koba nina man·gen:
Na·simang iakoba poraina man·gen: Arunachal Pradesh-o, BJP dolni member aro Gram Panchayat-ni Chairman-ko bobil dol dake chakatgipa dolrang rim•srukanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
