28.4 C
Tura
spot_img

Shillong Lok Sabha seat-ko NPP chetelgen: Dhar

Must read

Shillong, Apr 17: Gipin political dolrang baksa tosusagenchimode National People’s Party (NPP)-an vote-rangko bang•bate man•gipa ong•ani gimin April-ni 19 tariko ong•atenggipa Lok Sabha election-o Shillong Parliamentary seat-ko NPP-an chetelaigen ine Budbar salo, NPP-ni national general secretary aro Meghalaya a•dokni Deputy Chief Minister Sniawbhalang Dhar parakataha.

Dhar-ni aganani gitade, NPP-ni vote man•aniara lak 4.45-mangni gita ong•a aro ianoni lak 3.20 vote-rangkode 2023 bilsini Assembly election-o man•aha aro lak 1.38-mangni gita vote-rangkode adita salrangna skang dingtang dingtang dolni dilgiparangba NPP-o napahani gimin man•aha.

Advertisement

Ia chang Lok Sabha election-o BJP-ba NPP-na chakpaanirangko on•engani gimin BJP-ni vote-rangkoba NPP man•dapkugen aro uandaken Shillong parliamentary seat-kode NPP chetelgen ineba Dhar, an•tangni ka•dongchakenganiko parakataha.

Voice of the People’s Party (VPP)-ko bangbanggipa me•dik gitasan ong•aia ine matnangatengon, social media-ode VPP-kosan nikna man•aigen indiba bangbang ong•gipa me•dikrangde pangnan gam•batrongaia ine NPP-ni national general secretary parakataha.

Batanggimin bilsirango VPP-ni president Ardent Miller Basaiawmoit, UDP aro HSPDP dolrangoba napaha aro 2019 bilsio Congress dolnaba campaign ka•aha ine janapatengon, iandakgipa dolsaoni dolsaona katjojogipa dilgipako manderang maikai bebera•na man•gen ine Dhar sing•doataha.

Manderangoniko tangka paisa gile ra•a ineba ua VPP-ko matnangataha.

Advertisement

Batanggimin bilsidokni gisepo MDA sorkarini chu•sokatgipa kamrangni gimin janapatskaengon, a•dokni chadamberang mikchi ong•na nangjana gita NPP-ni dilgiparang rakbee kamrangko ka•enga ine a•dokni Deputy CM aganaha.

Shillong parliamentary seat-o NPP-ni candidate Ampareen Lyngdoh-ko seokchina, constituency-ni manderangko didiangskaengon, a•doko songdongenggipa manderangko chel•chakna aro a•dokna namroro silroroaniko ra•bana Lyngdoh kam ka•gen ine Dhar ku•rachakaniko on•ataha.

Na·simang ia video-koba nina man·gen:

Na·simang iakoba poraina man·gen: Ia chang LS election-o ku•rachakani baksasa Assam-ona re•baa ine PM Modi agana

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article