Tura, March 8: Tura campusni ICFAI university uamangni university week ko adita jatni dakbewal-rikbewakrangko dakmesokachi mija sukrobar salo matchotataha. Mr aro Mrs ICFAI university koba seoke dingtang dingtang Salgro-Salaramni jatni dakbewalrangko ganmesokangaha. Garo, Khasi, Bodo, Hajong, Naga, Manipuri aro gipin dingtang dingtang jatni gandingrangkoba ganmesokangaha.
Ia university ni weeko jatni kal·susaanirang, jekai, wa·pong sika, an·ding oka aro gipin kal·susaanirangkoba ong·atjolangaha.
Song·a-ritanirang jekai na·kam chutney, do·o kapa, wak kapa aro gipin rangkoba ia programo mesokangjolaha.
RBI ni General Manager aro ABDK ni padot ong·enggipa Mr. Berryl B Sangma ia programo dongpae Artificial Intelligence ni bidingo agan-talate on·angaha. “AI a·gilsak gimikkon rim·kepa gita ong·pilengaha, ua an·chingni janggi tanganikon bewalrangkon dingtangatsrangenga” ine Pa Berryl B Sangma aganangaha. AI ni integrated Circuito pangchake chu·sokaniko aganenba IC ko AI gita ra·e ia university ko Integrated Circuit For Artificial Intelligence ine darangan uichina ineba aganjolaha.
ICFAI ni Advisor aro Tura Campusni skotong Dr. Viola Sonachi B Sangmaba poraienggipa chatro-chatrirangna didiani kattarangko agane uamangni chu·sokanina krenganiko dontonggija daarichina ku·pattiangaha.
Na·simang ia video-koba nina man·gen:
Na·simang iakoba poraina man·gen: Telenganani tunnel be·gropa: Naljokatanina robotrangko watatchina minister agana
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
