39 C
Tura
spot_img

ICFAI University Tura World Book Day aro Copyright Day-ko manianga

Must read

Tura, April 23: “Read your way” ine katta bichongko donne, World Book Day aro Copyright Day 2024-ko Tura-ni ICFAI University-o maniangaha jeon sak 150 chatro chatrirang aro skigiparangba bakko ra•angpaaha.

Ia program-ko, Assistant Librarian Babulal Prasad-ni rimchaksoani kattarangchi agane a•bachengatan baksana, ia digital-ni chasongo World Book Day-ni gamchatani gimin aro Copyright Day-ni gimin u•ie ma•sie ra•ani giminba talate on•angaha. Meghalaya ICFAI University-ni Advisor aro Campus-ko chalaienggipa Dr VSB Sangma, “ia World Book Day-ko manianiara, sea jotani aro lekka poraniko ra•dona, poraianiko namnikbatatna aro mikkang niteani gri darangnan lekka porani gimin u•ianiko sokatna miksonganian ong•a,” ine aganangaha.

ICFAI University Tura celebrates World Book Day and Copyright Day

Ia tom•anio bang•a agangiparang, dingtang dingtang sea jotanio nengnikarangni bidingo, pangkamgipa poraiani ranta ka•anirang aro songsul baksa nangrime dongani giminba uamang aganangaha.

Indake ong•engon, Assistant Librarian Dr Angon Jeevan Singh, ” From Page to Screen: Navigating Digital Resources & E-Books in Library,” japang katta-ni bidingo presentation ba mesoke on•ananiko dakangenba, online poraigipa manderangna bang•bea poraiani cholrangko mesoke on•angan baksana poraianio kakket ong•ani gamchatani gimin mongsongbate aganangaha. “Book Swaps and Sharing,”-ko ranta ka•jringenba pangkamgipa poraianiko ranta ka•ani aro songsul noksul nokripeng baksa nangrime dongna jotton ka•ani gimin aganenba, chadamberangni gisepo poraiani bewalko ra•bana lekka bodolgrike poraianiko ranta ka•na, Tura Don Bosco College-ni Librarian Rehny A Sangma u•iatangskaaha.

Advertisement

Tura Nehu-ni Assistant Professor Dr Amal Kumar Mondal, “Literature and Education,”-ni gimin aganengon, digital-ni chasongo lekka ki•tapni gita tang•dobatataniko ra•baanio uamangni on•gilani giminba janapangaha. Ia tom•aniko, gitalgipa aro dingtanggipa poraiani bewalko ra•baani gimin ku•mitchetachi matchotataha.

Na·simang ia video-koba nina man·gen:

Na·simang iakoba poraina man·gen: Tura Lok Sabha seat-o NPP aro Congress bilakbee susagrika: Rakkam

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article