Shillong, April 20: Khasi Hills Autonomous District Council (KHADC)ni jako ong·enggipa a·jani ning·o Council-ni bil on·anirangko ra·chenggija ba maming license gri Shillong-oni dal·batgipa bajar cha·chakram biap Iewduh-o gipin jatrangni skatang bading-chiwalanirangko dakenggipa dokan nokrangko Bristibar salo chipattokaha.
Ian KHADC-ni tanggitik ong·e Bristibar salo bajaro dokan dakenggiparangko nirokeanio, bading-chiwalani license-rang gri aro council-ni bil on·ani maming lekkarang gri gipin jatrangni dokan dakenganirangko ma·siani ja·man ong·aha, jeon bang·bata dokanrangko joljolan chipattokaha.
Tanggitik nirokangenba dokanrangko chipatani bidingo KHADC-ni Chief Executive Member (CEM) Pa Titosstarwell Chyne, koborna agananengon, Council-ni a·jani ning·o niam gri dake gipin jatrangni bading-chiwalanirangko dakenganina suk ong·gijaniko parakangenba, maming license gri bading-chiwalaniko dakaniara niam ong·ja aro uamangni kosako rakgipa ja·kurangko de·atgen ine mikrakatanikoba on·angaha.
Dokanrangko chipatani gimin KHADC-ni CEM, sing·anina aganchakangengon, darangkoba iano dos galna nangnikja ine aganenba, Hima Mylliem-ni Syiem-oni intaltal, uni minister-rang aro council-ni enforcement wing-ko ia mamlako chone ra·jachina gitaba CEM didianiko on·angaha.
Iakoba poraie nina man·gen: Gital Assembly-ni protchong-na tarigipa design-ko HPC ra•chaka
