32.7 C
Tura
spot_img

IIM Shilong, NER-ni skigiparangna Summer School-ni 2-gipa bakko ong•atani name matchotanga

Must read

Shillong, May 13: Salgro salaram jolo songdonggipa dambe skigiparangna, IIM Shillong, Summer School-ni 2-gipa bako Teaching and Research program-ko ong•atani name matchotangaha. Ia namgipa ja•ku de•aniko, Dr. APJ Abdul Kalam Centre for Policy Research and Analysis, IIM Shillong, a•jao skie on•anirangko namdapatna aro am•sandie niani gadangko tangdobatatna  miksonganio a•bachengataha.

Advertisement

Ia program-ko a•bachengatanio, IIM Shillong-ni Director Prof D P Goyal, dongpaenba mikkim gnangbatataha, indake ia program-o skigiparang baksana dingtang dingtang manderangba re•bae bakko ra•angtokaha, indake iano, skie on•anio chu•sokani, am•sandie nianio aro changa sapanio namdapaniko ra•bana ja•du de•aniko a•bachengate on•angaha.

Advertisement

Iako battanggimin bilsion a•bachengatahachim, jeon sak 39 skigiparangni bak ra•aniko nikna gita man•aha indake ia bilsio, dam 18 higher education institution-rangoni sak 55 dambe skigiparangni re•bae bak ra•aniko nikna gita man•aha.

Ia program-ko oprake on•anio, IIM Shillong-ni Director Prof D P Goyal, mikkangchi janggi tanganina chadamberangni nama ramako baseanio skigiparangni mongsonggipa on•gilani gamchatani gimin aganenba, skigipani kam ian ge•sa mande ra•ako man•gipa aro gun gnangbatgipa kam ong•a ineba aganangaha.

Advertisement

Ia Summer School-o bang•a bakko ra•giparangna skie on•anio dingtang skiani cholrang, maidake skio bi•sarang man•batgen ba uamangko chinapatna man•gen, aro National Education Policy 2020 baksa apsangrik ong•atanio cha•song gitalni skie on•anio maidakgipa neng•nikanirangko man•engachim, uarangni gimin u•ie ra•na aro skina sapbegiparangni agankupattie on•anirangkoba knae ra•na gita dakchakaha. Iarang pilakan, da•oni chasongo poraigipa bi•sarangna nambata skie on•anirangko on•aniko namdapatna miksonganio ong•atangaha.

Na·simang ia video-koba nina man·gen:

Na·simang iakoba poraina man·gen: India-ni Ladakh-o nikronggijagipa gitchak rongni salgio teng•ani nakataniko nika

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

spot_img

More articles

spot_img
-->

Latest article