Guwahati, Apr 12: Budhbar walo, IIT Guwahati-o 1st year B.Tech-ko poraienggipa, Bihar-ni bilsi 20 ong•gipa chatro-ni manggisiko, hostel-ni kuturio dingdee dongako nikaha aro uni nokdangni manderang, ian ‘ragging’ ka•ani a•sel ong•na nanga inenba matnangataha.
Indake, iani bidingo police-rang mokordomako segata aro manggisiko postmortem ba ka•na ra•angaha. Iani gisepon, Bristibar salo, Police-rangko ia a•selni bidingo name am•sandianiko dakchinaba nokdangni manderang dabiangskaaha.
Police dolrangni aganani gitade, ian poraiani bidingo sinjetanirangko man•ani gimin aro gipin neng•nikanirangko man•ani a•selo, an•tangko so•ote siahakon ine chanchichipenga, indake ong•genchimoba, postmortem ka•ani report-ko sengengon, man•a dipet am•sandianiko dakengkua ine janapataha.
Indake ong•engon, IIT Guwahati, ia a•selni bidingo nokdangni manderang baksa an•tangni kalimpaaniko parakatmangmangesan mamingkoba dakgija dongaiaha.
Ia a•sel ong•ani somoio, uni apsan kutturio dongpagipa chatroba dongjachim aro security guard ba iani bidingo mamingkoba u•isamsojahachim ine IIT Guwahati-oni saksa u•iataha.
Indake, uni nokdangni manderang, Institute-ko name nirok simsakjaengni gimin, Institute-ni authority-rang ni kosako police-o badi ka•angskaaha.
Ia bilsio IIT Guwahati-o dingtang dingtang a•sel ong•anirangko nikna man•engaha, jekai, batanggimin January jao, 4th year-o poraienggipa chatrini siani, aro minggipinara, ISIS bobil dol baksa bak donga ine chanchichipenba chatro saksako STF rim•angani ong•achim ine nikna man•a.
Na·simang ia video-koba nina man·gen:
Na·simang iakoba poraina man·gen: China baksa songgigrikna PM Modi-ni agananiko Cong jegala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
