Imphal, Nov 18: Manipur a•dokni Imphal songjinmao so•sojengjeng ong•anirang batroroengani gisepon, dingtang dingtang chel•chaksoenggipa dolrang nangrimenba, flag march ba nissanko ra•e re•jomaaniko dakangaha.
Spear Corps-ni GOC, Lt Gen A S Pendharkar, Imphal songjinmao duty ga•akgipa Indian Army aro Assam Rifles-ni sipairangko Robibar salo grongaha aro uamang baksa agangrikaniko dakangaha. Indake, uamangni gronggrikani ja•man, Spear Corps Unit-ni Indian Army aro Assam Rifles sipairang namrimenba, Imphal-ni Sanjenthong, Khurai Lamlong Bridge, Thongju Bridge, Koirengei, Kangla Western Gate, Keishampat, Chungtham, Salam Mayai Leikai, Konthujam, Mayang Imphal, Hiyangthang, Nambol, Mantripukhri, Babupara, Wanjing, Thoubal aro Imphal East-ni Lilong, Imphal West aro Thoubal a•jarango flag ba nissanko de•e re•jomaaniko dakangaha.
Imphal songjinmao so•sojengjeng ong•batroroenganiko tom•tomaona ra•bana gita, chel•chaksoenggipa dolrangba uamangni bil ama dipet kamko ka•enga.
Iani gisepon, Imphal West aro Imphal East a•jarango curfew-ko authority-rang ra•gataha, indake ong•genchimoba, Jiribam a•jao gondogol ong•anichi bi•sarangko man•chape sak 6-ni manggisirangko nikna man•aha ine koborko man•soaha. Ia manggisirangara, November 11 tarikoni gimaenggipa me•chik aro bi•sarang ong•na nanga ine chanchichipenga.
Indake ia obostarang, Barak chibimao me•chikma saksani manggisiko man•a ja•man namjabatrorona a•bachengaha.
Ia re•jomaaniko daka ja•man, bosturangko nosto ka•anina aro wa•alrangko so•ahanina Imphal East, Imphal West aro Bishnupur a•jaoni sak 25 manderangko police-rang rim•aha.
Na·simang ia video-koba nina man·gen:
Na·simang iakoba poraina man·gen: Brigipa Shillong Literary Festival-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
