Imphal, Feb 9: India aro Myanmar a•songni simao jakgitele re•ruragrikna songgigrikgipa Free Movement Regime (FMR)-ko ma•mong sorkarini den•galpilna tik ka•ahani gimin Manipur a•dokni Chief Minister N Biren Singh, ma•mong sorkariko mittelpilangaha indiba sima jolrango songdongenggipa mitam Tribal dolrang, iako jegaltokskaaha.

India aro Myanmar a•songni simao FMR-ko ra•gatanichi, a•song damgnion kilometer 16-ona kingkingde visa grian re•ruragrikna man•engachim indiba da•o ia songgigrikaniko ma•mong sorkari, den•galpilna tik ka•ahani gimin a•song damgnini gisepo jakgitele re•ruragrikanikoba champengatna siengahachim.

Indake ong•engon, da•o FMR-na songgigrikaniko ma•mong sorkari den•galpilna tik ka•ahani gimin Myanmar a•song baksa nangchapegipa Arunachal Pradesh a•dokoni Mizoram a•dokona kingkingan fencing kagnok aro a•song damgnini gisepo jakgitele re•rurana man•jawaha ine Manipur CM N Biren Singh parakataha.

India aro Myanmar a•songni simao FMR-ko den•galpilna ma•mong sorkarini tik ka•aniko, Manipur, Nagaland aro uandakgipa a•dokni simarango donggipa dingtang dingtang Tribal dolrangde raken jegalatskaaha.

Zomi Council Steering Committee-ni dilgipa Rose Ngaihte-ni parakatani gitade, ia a•song damgnini simao songdongenggipa manderangara apsan jatni manderangan ong•e da•o gita nangan somoirangoba re•grik dogrike saksa sakgipinko dakchakgrikna chol ong•paachim indiba da•o FMR-ko den•galpilna tik ka•aniara apsan jatni manderangkon ma•ekgrikata gita ong•skagnokchim.

Adita salrangna skangsan, Nagaland a•dokni Eastern Naga People’s Organisation dolba, India aro Myanmar a•songni FMR-ko den•galpilna tik ka•ahani gimin an•tangtangni suk ong•gijaniko parakatahachim.

Iakoba poraie nina man·gen: Dy CM-ni grongna agananiko HNLC ra·chaka

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub