Shillong, Sept 27: Misirang, mandena bilak-mangrakaniko on·gipa cha·ani ba “Millets for Nutritional Security” ingipa pangchakaniko donenba, Butbar salo, Department of Agriculture & Farmers’ Welfare, Shillong-ni All Saints Hall-o International Year of Millets-ni Workshop cum Exhibition-ko ong·atangaha.
Salni programona, Department of Agriculture & Farmers’ Welfare -ni Secretary, Isawanda Laloo, mongsonggipa sokgipa ong·e bakko ra·enba jinmana aganprakangengon, bolam-bite aro mi-misi man·anirangko a·songo baridapatna green revolution-ko ra·gatani ja·man, misirangko ge·e-game biterangko ong·katatna bang·e jotton ka·na nanggijanichi mandena namgipa rokomsa cha·ani mi-misi ong·genchimoba, manderang iako nichanggalpile pilak game cha·giparangan mi aro gom-mirangko ge·na gisiko nangbataiaha ine aganangenba, mandeni be·en-bimangna misini namgnirang aro uni gamchataniko ma·sie aro skie ra·enba a·barango misi ge·aniko giproroatchina gita pilak game cha·giparangko didiangaha.
A·dok sorkari, man·adipet ia misirangko ‘mission crop’ dake ra·gatna jotton ka·engani gimin, game cha·giparangni janggi tanganiko tang·doatna aro man·anirangko bariatna man·na gita misirangko ge·tokchina pilak game cha·giparangko aro bading-chiwalgiparangkoba ua didiangjolaha.
Salni programo, misirangko ge·e chu·sokenggipa a·dokoni pilak game cha·giparangkoba dingtangmancha mande ra·pilskaaniko dakangaha.
Iakoba poraie nina man·gen: Chadambe sakgniko so·otani bidingo sandirokna CBI-ni Director Manipur-ona sokbaa
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
