Boko, Jun 26: International Day Against Drug Abuse-ko maniani bak gita Budbar salo, Meghalaya a•dokni West Khasi Hills a•jao donggipa Athiabari outpost-ni police-rang, jinma re•jomaniko ong•atangaha aro ia re•jomanio Athiabari outpost-ni police-rangna agreba, jolni NGO-rang, me•chik dolrang, Umshek, Aradonga, Athiabari, Salpara, Ranikhat aro uandakgipa songni manderangba bak ra•angtokaha.
Ia jinma re•jomaniko Assam a•doko donggipa Hahim police outpost-oni Athiabari police outpost-ona ong•atangaha aro jinma re•jomanio, pekatgipa samrangko jakkalani namgijanirangko manderangna u•iatjolangaha.
Ia re•jomaniko ong•atani bidingo kobor ra•timgiparangna talate on•angengon, Assam aro Meghalaya a•dokni simarangoba pekatgipa samrangko jakkalanirang batrorobaengani gimin pekatgipa samrangko jakkalanichi mandena mai dakgipa namgijanirangko ra•bana man•achim, uarangni bidingo manderangna talate on•a miksonganio ia re•jomaniko ong•ataha ine Athiabari police outpost-ni in-charge Samuel Sangma parakataha.
Na·simang ia video-koba nina man·gen:
Na·simang iakoba poraina man·gen: Boko-ni JN College-o Drone Pilot Training Centre-ko kulia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
