Shillong, Oct 16: Indian Olympic Association (IOA) aro Sports Authority of India (SAI)-ni chubata gadango donggipa dolrang, October jani 15 tariko 2027 bilsio Meghalaya a·doko soka chakna sienggipa chang 39-gipa National Games-na tarisamsoani kamrangko nirokna Shillong-ona re·baaha.
Ia nipilani tom·bimonganiko Sports and Youth Affairs-ni Commissioner and Secretary Dr. Vijay Kumar D baksana Richard Yanthan, Matseiwdor War Nongbri, D. D. Shira aro John F. Kharsiing dilangaha.
Dr. Vijay Kumar, kal·chakram biaprangko namdapatani baksana Meghalaya a·dok maikai National Games-ko sokachakna tarisamsoengachim uarangni gimin agantalate on·angaha. Ia IOA-SAI dolni member-rangara Amitabh Sharma, Shadev Yadav, Mamta Shree Ojha aro Shrinivas Malekar ong·a.
IOA, ming 36 kal·susaanirangko ong·atna on·kange kamrangko ka·enga ine Amitabh Sharma u·iatengon, ia National Games-ko ong·atanichi Meghalaya a·doko kal·susaani aro kal·chakram biaprangko namdapatna dakchakgen ine Sahdev Yadav aganangskaaha.
Ia tom·bimonganio Shillong, Tura aro Jowai-o dingtang dingtang kal·chakram biaprangko tariani ba rikani kamrang baditana kingking matchotahachim uarangni bidingo chanchiriman baksana jolni kal·susaanirangko man·chapatna miksoangani aro a·doko kal·susagiparangni dolko mangrakbatatna dingtang dingtang cholrangni bidingo agan-golpogrikanirangko dakangaha. Meghalaya a·doko kal·susaanina gisiko nanggipa sakantian seokako man·ja ong·oba pilak kal·susaanion bak ra·na gita man·gen ine official-rang u·iataha, jedakode jolo kal·susaanina gisiko nanggiparangba bang·bate bakrangko ra·angpana man·gen.
Ia nipiltaiani tom·bimongko ong·ataniara, 2027 bilsio Meghalaya a·doko National Games-ko sokachakani kamrangko chu·sokgipa ong·atna mongsonggipa ja·ku de·ani ong·a.
Na·simang iakoba nina man·gen:
Na·simang iakoba poraina man·gen: HC-ni niamrangko pe·e NCM-ko a·bachengata jingjengatenggipa dolrang tyre-rango soroko so·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
