Tura, Oct 16: Garo Hills a·ja gimiko salgnina dingtang dingtang dolrangni nangrime ong·atenggipa Non-Cooperation Movement (NCM), Bristibar pringni 5 bajioni a·bachengaha.
Ia NCM-ko ong·ataniara niamni kosako ong·a ine High Court-oni parakatgenchimoba, HC-ni niamrangko pe·e ia NCM-ko a·bachengataha jeon, a·jani dingtang dingtang bakrango dondikatanirangko dakenga aro jingjengatenggipa dolrang tyre-rangko soroko so·anirangko nikna man·enga.
Ia NCM-ko, GHADC-o kam ka·enggipa manderangna beton on·ani system-ko aro Tura Medical College-ko PPP mode-o chalaina tik ka·enganiko jegale October 16 aro 17 tarikrangni pring 5:00 bajioni attamni 5:00 bajiona ong·atenga.
Ia NCM-ko a·bachengataoni bakan, Tura-o donggipa Bokmagre Petrol Pump aro Dobasipara-o tyre-rangko so·ani koborrangko man·soaha aro unbaksana Chibinang jolo dokan pasarang chiptokahani gimin ua jolo janggi tangenggipa manderangna neng·nikaniko man·engaha ine nikna man·a.
Iandakgipa obostarang West Garo Hills a·jani ning·o ong·enganina bandh, strike aro uandake non-cooperation movement-rangko ong·ataniara Meghalaya a·dokni High Court-ni dongimin niamrangko pe·ani ong·a ine a·jani District Magistrate Mary Lisa R. Marak janapataha.
Indake, Bharatiya Nagarik Suraksha Sanhita (BNSS) 2023-ni Section 163-o pangchake, garirango lathi-rangko ra·bite re·na, gol·dik, ro·ong, wa·al so·ani bosturangko ba je dakgipa silchidarerangko ra·bite re·na man·jawa aro dokanrangko chipatna aro office-rangko chalaianiko chapengna man·jawa ineba District Magistrate parakataha.
West Garo Hills a·jani Superintendent of Police Abraham T. Sangma-ba, a·jao ong·gni obostarangoniko champengsona gita a·jani dingtang dingtang bakrango chel·chaksoenggipa dolrangko donataha ine aganan baksa, NCM-ko ong·ate manderangna neng·nikaniko on·a jotton ka·genchimode niamo pangchake raka ja·kuko de·gen ine mikrakataniko on·ataha.
Na·simang iakoba nina man·gen:
Na·simang iakoba poraina man·gen: Niam gri rong·mesak bikotenga ine matnanganirangna CM aganchaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
