Shillong, May 28: East Jaintia Hills a·jao namroro silroroaniko ta·rakbatatna aro rama jal·langrangko nambatatna gita Bristibar salo, Meghalaya a·dokni Chief Minister Conrad K Sangma, mongsonggipa ramarangko tarina pangchakanirangko songe on·angaha.
Latyrke kal·chakramo ua, gong crore 412-mangni project-rangko a·bachengate on·angaha aro ia project-rangara, gong crore 355-ni Dkhiap–Stunga–Saipung–Pala ramako taridapani, gong crore 10.3-ni Dkhiap–Stunga–Saipung–Mousi–Haflong ramako taridapani aro gong crore 46.75-ni Sutnga-Khaddum ramako namdapate tariani project-rang ong·a.
Ia project-rangna pangchakaniko songe on·anganio a·dokni Chief Minister, tom·anio bak ra·giparangna aganprakengon, ramarangko nambate tarianiara manderangna re·a doani cholrangko namdapatanisan ong·ja indiba manderangna janggi tangani cholrangko nambatatani, lekka pora aro an·seng baljokaniko nambate ra·na man·ani, tourism-ko tang·doatani aro dingtang dingtang songni manderangko nangdimatani cholrangba ong·a ine aganaha.
Manderangni janggi tanganiko dingtangatna aro a·dokni ki·tikbrionan namroro silroroaniko sokatna gita sorkari, rama jal·langrangko namdapatna gita kang·kare kae kam ka·enga ineba Chief Minister aganaha.
Apsan salon a·dokni Chief Minister, Kongong-o donggipa NH-6 ramaona nangdimate Myntdu chibimani kosako mongsonggipa dolong baksana National Highway (NH-206)-o donggipa Shkentalang-oni Lumshyrmit-ona rama tarina tarina gita pangchakaniko songe on·angjolaha.
Ia ramani bakroaniara km 18.64 ong·enga aro ia ramako tarina gong crore 76.43-ko hisapaha.
Ia gital rama aro dolongko rikanichi, dingtang dingtang songni manderangna re·a doanio altubatataniko on·an baksana bading chiwalani aro dingtang dingtang kamrangoba bang·en namgniko on·gnok ine official-rang aganaha.
Na·simang iakoba nina man·gen:
Na·simang iakoba poraina man·gen: UDP-ni candidate-na a·gipibatgipa ukil Vivanstone Kharngapkynta-ko seoka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
