Guwahati, May 26: 2025 bilsini May 12 tarikoni 23 tarikona, India-ni Salgro Salaram jolni sak 13 disaster management expert dolrang, Japan a·songo Japan International Cooperation Agency (JICA) aro IIT Guwahati-ni Centre for Disaster Management and Research (CDMR)-ni ong·atgipa “Enhancing Disaster Risk Reduction and Resilience Building Capacities of North Japan International Cooperation of North Eastern States of India” ingipa dingtangmancha program-o skie ra·aniko dakangaha.
Training-ko ong·atanio uamang biaprang jekai Chikuma aro Tsurumi chibimarang baksana Gunma aro Tochigi-ni a·a ruronggipa biaprangona re·ange nianiko dakangaha aro maikai Japan a·songara ong·telaigipa obostarang jekai chi ban re·ani aro a·a ruanirango naljokna gita maikai seng·gnang mikrakataniko on·ani system-rang, mangrakgipa building-rang aro hazard map-rangko jakkalachim uni gimin skie ra·angaha.
JICA India-ni Chief Representatives, Takeuchi Takuro, ia program-ara India aro Japan-ni gisepgriko ripeng dakani mangrakaniko mesoka ine aganengon, uamang India-ni Salgro Salaram jolo donggipa a·dokrangna ong·telaigipa obostarangna nambate tarisamsoanirangna dakchakaniko on·gen ineba ua janapataha. IIT Guwahati-ni CDMR, iani bidingo skie on·ani aro u·iatskae on·anirangna mongsonggipa center ong·angskagen ineba ua parakataha.
Ia training-ara, India-ni Salgro Salaram jolo ong·telaigipa obostarangni a·sel nangchakeaniko komiatna Prime Minister Narendra Modi-ni niksamsoanina chakpaani ong·a. JICA-ni dilanio 2025 bilsini December-o, disaster official-rangrangna dingtangmancha class-rangko CDMR ong·atanggen.
Uasan ong·aigija, Assam sorkari Water Resource Department-ni engineer-rangna bilsi 2-ni M-Tech online course-rangko a·bachengatna IIT Guwahati baksa ku·monggrikani soi-ko ka·angaha aro ian chi ban re·aniko champengani, chibimaoniko man·pakanggipa rong·srekrangko champengani aro karini dingtangbaroroaniko jakdangdikna gisikko on·bate skie on·anirangko dakanggen.
Na·simang ia video-koba nina man·gen:
Na·simang iakoba poraina man·gen: Bethany Hospital Infection Prevention aro Antimicrobial-o nambatsranggipa ong·a ine parakatako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
