Tura, August 24: Japanese fashion ‘USUPSO’ dokkanko Mongolbar salo Tura-ni Lower Babupara-o kulie on·angaha.
Iana skang, ia apsan dakgipa dokkanko Meghalaya a·dokni skotong Shillong songjinmaoba kuliahachim aro da·o Tura-oba ia dokkanko kuliahani gimin ian a·doko gnigipa ong·aha.
Ia apsan dakgipa dokkanko, salgro salaramni gipin mongsonggipa biaprang, jekai Aizawl, Guwahati, Kohima, Imphal aro uandakgipa biaprangkoba kuliahachim.
Tura-o ia dokkanko Frontline Worker Dr Ivonne Sangma aro Winkey Marak-ni jakchi kulie on·angaha.
Ia dokkano man·gipa bosturangara manderangni jakkalronggipa aro dam komigiparang ong·genchimoba ian Japanese-rangni tarigipa bosturang ong·ani gimin ian Tura-o songdongenggipa manderangna namen namgni ong·gen ine ia dokkanni nokgipa Nirsha K Marak parakataha.
