Shillong, Apr 15: Jaintia Hills Autonomous District Council (JHADC) election-ko a•dok sorkari aro District Administration, nama bewalo ong•atjaha ine matnangenba iani bidingo jakgitele inquiry-ko dakatchina Voice of the People’s Party (VPP)-ni dabiengani gimin Mongolbar salo, National People’s Party (NPP)-ni gitcham state president aro Rajya Sabha-ni MP Dr W Kharlukhi jegalataha.
Iani bidingo kobor ra•timgipa manderang baksa agangrikengon, “JHADC election-o amako man•ani gimin VPP, inquiry-ko dakchina dabienga. Jowai MLA-ni agana gitan, election-o uamang amako man•ode uan niamo gita ong•jaha indiba uamang amaia ong•ode niamo gita ong•aia,” ine Kharlukhi parakataha.
JHADC election-o bil jakrangko jakkalani a•selsa amako man•aha ine VPP-ni agangipa kattarangko jegalatengon, “Election-ni ja•man ong•gipa a•selni video ango dongkuenga, jeon chingna kam ka•gipa mandeni nokko uamang ro•onrangchi goruruaha. Ia manderang (VPP) an•tangtangko ‘Jaidrynriew’-na ka•sagiparang ine a•kangronga indiba jekon uamangni manderang ro•ongrangchi goe chadrapahachim, uaba Jaintia mandean ong•achim indiba ia obostaode ‘Jaidbynriew’-na ka•sagipa manderangni jegalaniko anga nikjaha. Uamang bil jak jakkalaniko namnikgijagiparang ong•a ine a•kangtoka indiba iandakgipa kamrangara ‘gunda’-rangni kaman ong•ani gimin ian uamang bil jak jakkalaniko namnikjaoba gunda dake mesokanikode namnikgiparangan ong•a ine mesokani ong•aha,” ine Dr Kharlukhi aganaha.
Na·simang ia video-koba nina man·gen:
Na·simang iakoba poraina man·gen: Meghalaya a·doko an·tangari chu·onga gita wak be·enrangko man·a wak bang·e jillanirangko nangnika : AL Hek
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
