Shillong, July 11: Bristibar salo, JHADC-ni Delimitation Committee, East Jaintia Hills a•jani ning•o ga•akgipa dam 10 Constituency-rangna Public Hearing-ko Khliehriet West-ni Community Hall-o ong•atangaha.
Ia Constituency-rangara, Muthlong-Sohkymphor, Tuber, Musniang-Rangad, Rymbai-Khliehriet, Sutnga-Narwan, Sutnga-Nongkhlieh, Sumer, Saipung-Nongkhlieh, Narpuh aro Bataw-Lakadong ong•achim.
Ia hearing-ko ong•atengmiting somoio, Saipun Constituency-ni MDC, Arborhima Darnei, constituency-ni ning•o adita songrangko ra•gatdapchina janapaniko jegalataha. 1967 bilsionin a•jao songdongenggipa Biate jatrangko chel•chaksona miksonge a•bachengatgipa constituency ong•ani gimin gipin jatrang baksa songrangko songdaptaiode, Constituency-ni ning•o songdongsoenggipa jatrangna neng•nikaniko ra•banaba donga ine ua janapataha.
Unbaksanaba, iano dongenggipa jatrang Hillstate Movement-ni bakba ong•ani gimin ia constituency-ko jekai donga apsandaken dongna on•china ine Committee-koba ua mol•molataha.
Pnar jatrangni songdongram Shnongrim songni Waheh Chnong aro Secretary-koba Saipung Nongkhlieh Constituency-o man•chapatchina ra•bae janapaniko jegalataha.
Ia public hearing-o bak ra•gipa songrang, uamangni a•dokrangni sima arirang, chel•grikani, sorkarini gita nirokanirango aro uandake gipin neng•nikanirangko chagrongna nanggen ine 99% mangni gitan Constituency-rango gipin songrangko man•chapataniko nangnikgijaniko parakangaha.
Indake, a•jani manderang jemangan Constituency-o gipin songrangko ra•gatdapaniko nangnikjaengachim, uamang an•tangni chanchianirangko, July 19 tarik attamni 3:00 bajina skang Committee-na see watatchina ine Committee-ni Chairman u•iataha.
Na·simang ia video-koba nina man·gen:
Na·simang iakoba poraina man·gen: State Reservation Policy-ko taridapjachina NGH committee didiata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
