Nongpoh, Sep 4: Khasi Mandarin aro Meghalaya a•doko man•gipa ma•manti bolam biterangoniko dingtang dingtang cha•ani ringani bosturangko tarina gita Jirang Organic Agro Farmer Producer Company (FPC)-ni a•doko skanggipa Aseptic Pulping Unit aro Mandarin Processing Unit-ko Bristibar salo, Ri Bhoi a•jani Jirang songo kuliaha.
Ia karkanako gong crore 1.5 tangkarangchi kuliaha aro ia karkanako kulianichi game ge•e cha•giparangni game ge•e man•gipa ma•manti bolam biterangoniko dingtang dingtang cha•ani ringani bosturangko tarie gipin biaprangonaba watatna man•gnok.
Ia gital karkanako, Meghalaya a•dokni Agriculture & Farmers Welfare Minister Ampareen Lyngdoh-ni jakchi nokdonggae on•angaha aro ia karkanako kulie on•anganio, Jirang-ni MLA Sosthenes Sohtun, Ri Bhoi a•jani Deputy Commissioner Abhilash Baranwal aro dingtang dingtang official-rangba dongpaaha.
Ia karkanako kulie on•anganio a•dokni Agriculture Minister Ampareen Lyngdoh, jinmana aganprakangengon, ia karkanako kulianio Ri Bhoi a•jani game ge•e cha•giparang baksa bak ra•pana man•ahani gimin an•tangni kusi ong•aniko parakangenba, ia gital karkanako kulianichi game ge•e cha•giparangna namgnirangkosan on•aigija ian Ri Bhoi a•jao gama ge•ani kamrangko tang•doatna aro man•dapaniko bariatna dakchakani ong•gnok ine parakataha.
Ia karkanako kulie on•angani ja•man Lyngdoh, jean a•dokni Health Minister-ba ong•enga, Patharkhmah Community Health Centre (PHC)-o gital rikgipa Labor Room-koba nokdonggae on•angjolaha.
Na·simang iakoba nina man·gen:
Na·simang iakoba poraina man·gen: M’laya Living Root Bridge, UNESCO-Greece Melina Mercouri Prize-na seokako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
