Dibrugarh, Apr 29: Tea Board of India-ni Jorhat Tea Auction Centre-o (JTAC) kamrangko dontongatanina, cha ge∙giparang aro cha tarigipa karkanarangko chalaigiparang raken jegalangaha aro Assam-ni karkanarango bang∙a neng∙nikanirangko man∙gen ine mikrakataniko on∙aha.
India gimiko ge∙san dake digital auction system-ko chalaigen ine April 1, 2026 dipetoni JTAC-ko chipna hukum on∙aniko Controller of Licensing Samaresh Mondal parakataha. Iako dakanichi gitalgipa Build, Own, and Operate (BOO) model-ko jakkale pilaknan niamrangko apsanatna aro kamrangko nambate nirokna man∙na gita a∙bachengatenga ine Board-ni manderang parakataha.
Indake ong∙engon, Board-ni parakatgipa rai-ko rang∙gitik aro darangchi sing∙a-sanna gri ra∙gipa rai ine manderang jegaltokaha. JTAC-ara kamrangko chalaigipasan ong∙aija indiba dal∙roroenggipa centre-ba ong∙a, jean re∙anggipa bilsio million 4 kg ong∙nasipile cha-rangko ra∙e kam ka∙aha, aro uandake Guwahati-ni ja∙mano ian Assam-o gnigipa dal·batgipa auction centre ong·enga.
Jorhat Tea Auction Centre-ko May 2020-ko a·bachengataha aro uandake uan Upper Assam-o cha-rangko badinganio mongsonggipa antidam ong∙aha. Uko chipanichi dao banga cha ge·e cha·giparang aro bregiparang Guwahati-ona re·angna draatako man·gen, jeon uamang re·a-doani aro ra·angaani korosrangko bang·bate gamna nanggen.
Bakrimgipa dolrangni aganani gitade, auction-ko ka·ani biaprangko cha tarigipa aro uarangko ra·runa altugipa biaprangosa dakna nanga, sorkarini dilgiparangna melianikosande nina nangja. Bang∙a manderangan da·o Tea Board-ko uamangni ra∙gimin rai-ni bidingo chanchipiltaichina didienga, maina indake dakjagenchimode bang·a cha ge·giparang neng·nikanirangko man·gen aro charangko badinganirangko name dakna man·awa.
Uandake, manderang ia dingtanganiko namnikjagenchimoba, pilak badinggiparang aro bregiparangko Tea (Marketing) Control Order, 2003-ni niamrangni ning·ao pangchake, India gimikni auction system-ko jakkalna a·bachengna Tea Board-oni ge·etaniko on·ataha.
Na·simang iakoba nina man·gen:
Na·simang iakoba poraina man·gen: Guwahati-oni gimagipa me·chik an·tangna ong·gipa obostarangko parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
