Shillong, Mar 16: Jowai jillao jabolrangko galchakna gita a•dok sorkari gital biapko sandienga aro iana advertisement ba u•iatanirangko on•manaha ine Bristibar salo, a•dokni Deputy Chief Minister aro Urban Affairs Minister Sniawbhalang Dhar parakataha.
Iani bidingo kobor ra•timgiparangna talataniko on•angengon, Jowai-o jabolrangko galchakna gita gital biapna sorkari u•iataniko on•manaha aro gisiko nangenggipa mitam a•a nokgiparangde dorgastorangko on•aha ine Dhar parakataha.
Iani bidingo Urban Affairs department, ta•raken Jowai Municipal Board-ni gital chairman-na u•iatgen ineba Dhar parakataha.
Dorgasto galgipa biaprang jabol galchakna namjagenchimode ua gital dake u•iataniko on•taigen ineba Urban Affairs Minister parakataha.
Jowai jillao jabol galchakgipa biap dongkujaengani a•selan re•anggipa bilsio Jowai-ni manderang bang•a neng•nikanirangko chagrongna nangtokahachim ine nikna man•a.
Indake ong•engon, Shillong songjinmao jabolrangko galchakna gita gital biapko komibeoba acre 200-mangko nangenga indiba gipin a•jarangode acre 50-100-mangko nangskaenga ine Urban Affairs Minister parakataha.
