Namsai, July 27: July 26 tariko Namsai, Arunachal Pradesh-o Kargil Vijay Diwas-ko maniengon, Kargil War-o guli rong-18 nangako man·gipa, Naik Digender Singh, uni gisiko chegipa ong·nasa nanga ine mingsa chanchiainisan dongaiaha ine gisik ra·atpilaniko jinmana parakataha.
1999 Kargil War-ni somoio ka·dongni aro on·kange kam ka·anichi India-ni cheaniko ra·bagipa sipairangko gisik ra·na Sonibar salo manianiko dakanio, mande ra·ako man·gipa sipai, aro Maha Vir Chakra, aro Sena Medal-ko man·gipa Singh, maniani mongsonggipa bak ong·aha.
Tololing a·bri-ko rim·e donnanina mingsinggipa 2nd Rajputana Rifles baksa kam ka·gimin Singh, ia dakgrikanio an·tangni chagronggipa obostarangko manderangna parakataha. “Chinga krenge aro ka·donge warchakaha. Angni kam ka·rimskarang bang·aan a·songtangna janggitangko on·aha. Uamangni sichakani a·selsa an·ching da·alo iano dongna man·enga,” ine agane, tom·aniona re·bagipa chatro-chatrirangko a·songtangna ka·sachina aro dangdike on·china Singh didianiko on·aha.
Unbaksana, Kargil-o dakgrikgipa sakgipin sipai, Naik Prahlad Singh-ba ia tom·aniona re·bae bak ra·eaha. Arunchal Pradesh-ni Governor Lt. Gen. K.T. Parnaik (Retd) Ia tom·anio mongsonggipa sokgipa ong·e re·baaha aro sianggimin sipairangko mande ra·aniko dakaha. “Da·alo an·ching a·songtangna janggitangko on·chakgipa manderangko gisik ra·a, uamangni on·kanganichi an·ching ia salko nikna man·enga. Kargil Vijay Diwas-ara uamangni ka·donganiko gisik ra·atpilani ong·a,” ine ua aganaha.
Deputy Chief Minister Chowna Mein-ba, a·songtangna sichakgipa sipairangko mande ra·aha aro an·tangtangko on·kange kam ka·anina armed forces-ko mitelaha.
Ia manianiko Assam Rifles, Arunachal University of Studies baksa bakrime namsai-ni Multipurpose Hall-o ong·ataha. Dingtang dingtang dilgiparang jekai university-ni Vice-Chancellor Prof. Ajey Jha, Namsai-ni MLA Zingnu Namchoom; Deputy Commissioner C.R. Khampa; aro 25 Sector Assam Rifles-ni Brigadier Surabjit Singh ia manianio bak ra·angaha.
Na·simang iakoba nina man·gen:
Na·simang iakoba poraina man·gen: Tura-o bading chiwalenggiparang baksa Police-rang tom·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
