Tura, Jul 27: Tura Bazar-o dokkan dakenggipa aro bading chiwale cha·enggipa manderangoniko tangka gile ra·ani aro ong·gija dakanirangko champengan baksana dingtang dingtang kamrango bakrime kam ka·aniko mangrakbatatna gita Robibar salo, Tura-ni Police-rang, Tura Bazar-o dokkan dakenggipa manderang aro dingtang dingtang dolrang baksa Tura-ni Pechon Memorial Police Public School-o tom·aniko ong·atangaha.
Ia tom·aniko, West Garo Hills a·jani Superintendent of Police (SP) Abraham T Sangma-ni dilanichi ong·atangaha aro tom·anio, Additional SP Priyanka Watre Sangma, Circle Inspector (Sadar) Bitching N Marak aro gipin mongsonggipa police official-rangba bak ra·angtokaha.
Ia tom·anio, West Garo Hills a·jani SP Abraham T Sangma, manderangna chel·chakanirangko on·anio police-rangni chagrongna nangenggipa neng·nikanirangko janapangengon, mande sak hajalprakna police officer sakpraksan nirok sandianirangko on·na nange neng·nikanirangko chagrongna nangenga ine talataniko on·angaha.
Police official-rang chu·ongjani gimin kamrangko nirokanio CCTV camera-rangni gamchatgipa ong·ani giminba Sangma aganangaha.
Ia tom·anio, Additional SP Priyanka Watre Sangma-ba jinmana aganprakengon, bi·sarangko kam ka·atani bidingo janapangenba, banoba bilsi 14-na komigipa bi·sarangko kam ka·atenga ine rim·a man·genchimode, rakgipa sastirangko man·gen ine mikrakataniko on·angaha. Police department, Labour department baksa tanggitik re·e nianirangko dakgen aro dos dakgipa manderangni kosako rakgipa ja·kurangko de·anggen ineba Sangma mikrakataniko on·angaha.
Ia tom·anio, sak 50-na baten Tura Bazar-o dokkan dake cha·enggiparang aro dingtang dingtang dolni dilgiparang bak ra·angtokaha aro mikkangchi Tura Bazar-o naljokaniko on·na aro ong·gija dakgipa kamrangko champengna police-rang baksa bakrime kamko ka·na ku·monganiko on·angaha.
Na·simang iakoba nina man·gen:
Na·simang iakoba poraina man·gen: Chang 134-gipa Durand Cup-ko Shillong-o CM a·bachengate on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
