Shillong, Jul 27: Chang 134-gipa Indian Oil Durand Cup Football tournament 2025-ko Sonibar salo, Meghalaya a·dokni Chief Minister Conrad K Sangma, Shillong songjinmani Jawaharlal Nehru Stadium-o a·bachengate on·angaha.
Asia-o gitchambatsranggipa robol kal·susaani Durand Cup-ko ian gnigipa changna Meghalaya a·dokni skotong Shillong songjinmao sokachakani ong·enga aro ia kal·susaaniko a·bachengatanio Group-E-ni Lajong FC baksana Malaysian Armed Forces (ATMFA) dolrang kal·susaangaha.
Ia chang 134-gipa Durand Cup-ko Shillong-o a·bachengatanio a·dokni Chief Minister baksana a·dokni Sports Minister Shakliar Warjri, Revenue & Disaster Management Minister Kyrmen Shylla, Chief Secretary DP Wahlang aro dingtang dingtang official-rangba dongpaaha.
Ia robol kal·susaaniko a·bachengate on·anganio a·dokni Chief Minister, jinmana aganprakatengon, Durand Cup-ko gnigipa changna a·doko sokachakna man·engani gimin an·tangni kusi ong·aniko parakangenba, ia kal·susaaniko sokachakna Shillong songjinmako seoktaiahani gimin Indian Army-ko mittelpilangaha.
Group-E-ni skanggipa kal·susaanio, Shillong Lajong FC-ni ga·subee kal·anichi, Malaysian Armed Forces (ATMFA)-ko goal 6-nil-chi amchepataha.
Na·simang iakoba nina man·gen:
Na·simang iakoba poraina man·gen: Tura-ko Winter Capital songchina dabie Ampati-o tom·aniko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
