Baghmara, Nov 11: Bilsianti ong•atenggipa 58-Rongara-Siju LAC MLA Cup 2024-ko Sombar sal dipet Karukol Football Association, Karukol songo a•bachengataha aro ia kal•susaaniko Rongara-Siju constituency-ni MLA Rakkam A Sangma an•tangan mongsonggipa sokgipa ong•e, a•bachengate on•aha.
Ia MLA Cup-na robol kal•susaanio gimik dol 32 robol kal•giparang bak ra•enga aro skanggipa kal•aniko Salaram FC aro Badri FC dolrangni gisepo kal•susaangaha.
Ia robol kal•susaaniko a•bachengatna skang, a•dokni Education Minister aro Rongara-Siju MLA Rakkam A Sangma, Karukol Higher Secondary School-na rike on•gipa Basketball court-ko oprake on•angchengaha. Ia Basketball court-ko SRWP scheme-ni ning•o rike on•aha.
Ia salni bako a•dokni Education Minister, 2021 bilsio kuligipa Karukol HS School-ni Science stream-o poraienggipa chatro chatrirangkoba gronge agangrikangjolaha.
Iana agreba, Tainang-oni Karukol Adinggre ramaona gital rikna sienggipa RCC culvert-naba a•dokni Education Minister, dingtangmancha pangchakaniko songe on•angjolaha.
Na·simang ia video-koba nina man·gen:
Na·simang iakoba poraina man·gen: Chadamberangko dilgiparang ong•atna Ampati-o program-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
