Shillong, Jan 27: Re•baenggipa February 21 tariko ong•atenggipa Khasi Hills Autonomous District Council (KHADC) election-o susana gita Sombar salo, Laitumkhrah-Malki constituency-ni NPP MDC Fatin Joseph Lakadong, an•tangni nomination lekkarangko on•angaha aro ia election-o uan nomination file ka•chenggipaba ong•aha.
KHADC-ni MDC aro Executive Membor Lakadong-ni nomination file ka•eani somoio uni jikgipa, Cabinet Minister Ampareen Lyngdoh aro NPP-na kam ka•enggipa manderangba dongpatokaha.
An•tangni nomination lekkarangko on•angani ja•man kobor ra•timgipa manderang baksa agangrikengon, ua MDC ong•enggipa ong•genchimoba uni kosako ba party-ni kosako maming jegalanirangko nikja aro KHADC-o NPP-ni dilanichi bang•en kamrangko ka•ahani gimin ia election-o ua seokako man•piltaina ka•dongenga ine Lakadong aganaha.
DCA department aro a•dokni Governor baksa NPP-chi dilenggipa EC, bang•en Bill-rangkoba pass ka•aha ine janapatengon, ia Bill-ko pass ka•na on•ahani gimin ua a•dokni Governor-ko mittelpilangaha.
JHADC aro GHADC-o gita ong•gija KHADC-ode jaantian dormaharangko on•na man•enga ineba Lakadong aganaha.
KHADC-o NPP-ni dilanichi EC-ko rikpiltaina man•gen ine an•tangni ka•dongchakenganiko parakatengon, da•o ong•enggipa NPP-ni pilak MDC-rangan rakbee kamrangko ka•engani gimin uamang ia election-o chepiltaina ka•dongenga ine Lakadong aganaha.
Na·simang ia video-koba nina man·gen:
Na·simang iakoba poraina man·gen: ADC election-na BJP-ni ming 10 ku•mikchetanirangko on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
