Shillong, Feb 24: Ia chang Khasi Hills Autonomous District Council (KHADC) election-o Voice of the People’s Party (VPP), gimik dam 29 constituency-oni dam 17 seat-rangko chena man•aha indiba Jaintia Hills Autonomous District Council (JHADC)-ode National People’s Party (NPP), dam 29 seat-rangoni dam 13 seat-rangko cheskana man•aha.
KHADC-ni gimik dam 29 constituency-oniko VPP dam 17, UDP dam 5, NPP dam 4, HSPDP damsa aro Independent candidate-rang seat damgnio chena man•aha.
KHADC election-o Congress aro BJP dolrangde, seat damsakoba cherikna man•skajaha.
District council-o Executive Committee-ko chalaina gita komibeoba sak 15 membor-rangko nanga aro JHADC-o darang party-an seat dam 15-ko chegipa dongjahaoba NPP, dam 13 seat-rangko cheahani gimin bang•bate chegipa ong•e gipin party-rang baksa EC-ko chalaiani cholrang dongenga.
JHADC-o NPP dam 13 seat-rangko, VPP dam 8-ko, Congress dam 3, UDP dam 3 aro Independent candidate-rang damgni seat-ko cheahani gimin gital EC-ko chalaianio Congress, UDP aro Independent candidate-rang NPP baksa bakrimnaba gnang.
JHADC election-o BJP aro HSPDP dolrangde seat damsakoba cheskana man•jaha.
KHADC-ni Nongthymmai constituency-o KHADC-ni Chief Executive Membor aro NPP-ni candidate Pyniaid Sing Syiem, VPP-ni Winstone Tony Lyngdoh-ni jako, 3832 vote-rangchi amako man•rikaha aro Mawkhar-Pynthorumkhrah constituency-o gitcham Dy CEM aro Congress candidate PN Syiem-ba VPP-ni Strongpillar Kharjana-ni jako 2540 vote-rangchi amako man•rikaha.
NPP Minister Ampareen Lyngdoh-ni Laitumkhrah-Malki constituency-oba VPP-ni Deity H Majaw, 819 vote-rangchi uni sepangbatgipa bobil Manuel Badwar-ko chena man•aha.
Rambrai-Jyrngam constituency-o Congress doloni ong•kate NPP-o napanggipa Kimfa Sidney Marbaniang, Independent candidate Lurshai Kharbani-ni jako 2142 vote-rangchi amako man•aha.
Langrin constituency-o UDP candidate Pius Marwein, NPP-ni Mandilost Nongbri-ko 2899 vote-rangchi cheenba, an•tangni biapko ra•piltaina man•aha aro Mawsynram constituency-oba NPP-ni Alvin Khyriem Sawkmie, VPP-ni Rusievan Shangpliang-ko 5035 vote-rangchi chee, an•tangni biapko ra•piltaina man•aha.
KHADC-o VPP, dam 17 seat-rangko cheahani gimin da•o gital Executive Committee-ko rikskagnok aro sako uamang gital CEM songna sienga, ukosa manderang da•o nisengtokenga.
JHADC-ode NPP, dam 13 seat-rangko cheskaahani gimin gital EC-ko rikanio NPP, badia party-rang baksa bakrimgen, uko manderang nisengskaenga.
Na·simang ia video-koba nina man·gen:
Na·simang iakoba poraina man·gen: EAM S Jaysankar, Kaziranga National Park-o mongmao gadoe rorama
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
