Shillong, Jan 24: East Khasi Hills-ni District Administration, dam 15 constituency-rango KHADC-ni election-rangko mikkang niteagri tom•tom ong•atna man•a gita tarisamsoanirangko a•bachengataha. Sukrobar salo, Deputy Commissioner RM Kurbah, ia bilsini election-rangko, Polo-ni Jawaharlal Nehru Stadium-ni palo Mawiong-ni ISBT-o ong•atangskagen ine parakataha.
Dam 15 KHADC constituency-rangoni sak 10 candidate-rang, Mawiong-ni ISBT-o nomination file ka•anggen. Nongspung, Sohiong aro Sohryngkham constituency-rang, Shillong-ni DC office-o aro Pynursla aro Langkyrdem constituency-ni Pynursla-ni SDO Civil Office-o ka•angskagen. Indake ong•engon, dam 15 KHADC constituency-rangni vote channanikode Mawiong-ni ISBT-o dakangskagen. Skulrang kulia baksana board-ni porikka aro traffic-rangna neng•nikaniko nigrike ia bilsini election-rangko Mawiong-ni ISBT-o ong•atna tik ka•angaha.
Voter list-o bimung segataniko January jani 22 tarikon matchotataha aro bon•kamgipa list-ko January jani 27 tariko nakatatenba pilak political party-rangnan sualatgen ineba DC parakataha. Election officer-rang aro political party-rangnaba changgni training-rangko ong•atangaha.
Mawkynrew song jeon skul nok rikani a•sel jingjengataniko dakani gimin ban ra•gatani a•sel so•so jengjeng ong•ana agre a•jani gipin biaprangode tom•tom ong•e dongenga ineba DC u•iatangan baksana, Ramakrishna School-o ong•enggipa obostarangko ta•raken namatna jotton ka•anggen ineba ua ka•dongataniko on•angaha.
January jani 27 tarikoni, model code of conduct (MCC)-ko a•bachengatgen ine u•iataniko dakatengon, DC aro RO niam rakkianirangko nirokangskagen ineba DC u•iataha. Candidate-rang lakh 5-ona korosrangko ka•angna gita man•gen aro hajal 3 tangkakode joma ka•telna gita nanggen, ineba DC janapataha.
Candidate-rang jinma tom•bimonganiko ong•atna gita, jinma re•jomani ba janggipa gam•atanirangko jakkalna gita DC ba SDO-rangoniko bil on•aniko ra•na gita nanggen ine aganengon, Returning Officer-oniko napna lekka man•giparangsan polling booth ba pu•onchakram biaprango napna gita man•gen ineba ua janapataha. Darang mandeba 50,000-na bate tangkarangko jako ra•bitna gita man•jawa ine u•iatengon, badingchiwalaniko dakgipa mande chu•onga gita lekka pancharang donga ong•ode uamangnade iano nangchakeako man•jawa ineba ua u•iataha. Silchidare donggipa manderang sakantian silchidare-rangko joma ka•ena gita nanggen ine u•iataniko dakatengon, Election-o nanggipa bosturangko chimongchakenggipa ISBT-o pilak EVM-rangkon donataha aro ISBT-ni naljokgipa kutturiko tariman•ahaon unona ra•angenba sombar salo, polling station-rangona watatgnok aro election-ni symbol ba chinrangkoba ta•raken political party-rangna on•atgnok ineba ua agandapangkuaha.
Na·simang ia video-koba nina man·gen:
Na·simang iakoba poraina man·gen: B’desh-ni mande sak 8-ko chipurang baksa Garo Hills-o rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
