Shillong, May 14: Bristibar salo, East Jaintia Hills a∙jani Khliehriat-o songdonggipa Reginal Shylla, koela donggijanichi cha∙na-ringna aro janggi tangna neng∙nikaniko lekka pal∙tako seenba, koela bikotaniko dontongatanina aro hajalni hajal nokdangrangni neng∙nikanirangko chagrongenganina okumu chake saksan jegalaniko dakna ine State Central Library-oni Malki Ground-ona re∙angaha.
District administration Shylla-na hukumko on∙jahani a∙selo ia ja∙kuko de∙aniko dongtongatna draatako man∙aha. Bilsi 12-na neng∙nikanirangko man∙aniko bon∙atna niamrangko tarichina ine a∙dok sorkariko didiangna ine miksonganio ia jegalaniko dakengachim ine ua parakataha.
“Meghalaya a∙dokni a∙arango pangchake scientific bewalo koelako bikotna on∙china chinga sorkario dabienga,” ine Shylla aganangaha. Uandake ua da∙aloni dipet okumu chake dabianirangko dakna miksongahachim indiba hukumko man∙jaha ine aganenba, chadambe saksa ong∙e jattangna ka∙sagipa ong∙ani gimin okumu chakanichi janggitangko on∙chakna kenja ine ua aganangaha.
Jinmani tom∙bimonganiko dakna tikatgimin biapna ua an∙tangni kusi ong∙gijaniko parakatenba, koela-na kam ka∙giparangko sorkarini dal∙e ra∙gijaniko aro mande ra∙gijaniko mesoka ine Shylla aganangaha.
Uandake, koelako dontongtanichi koela-o panchake janggi tanggipa nokdangrang namen cholgri-apgri ong∙aona sokaha ine ua a∙dokni skotong minister aro Mining and Geology-ni minister Conrad K Sangma-na parakataha.
Uni ganenggipa cham∙gimin jutako mesokenba ua manderangni kangal-cholgrianiko parakataha aro iandake neng∙nikanirangko man∙anichi cha∙asiaonaba sokgen ine ua janapangaha.
Unbaksana ua skotong minister-na pil∙nipil sedoahaoba una changsaba aganchakaniko on∙jaha bai a obostako namatna jotton ka∙jahani gimin uko sing∙doangaha. Manderango ganding-chindingrang aro ja∙koprangba dongja aro dedrangna cha∙a-ringaniko on∙naba tangkarang dongja inenba ua skotong ministerko namen matnange aganangaha.
“India-ni Niam Bidikni ning∙ao Article 19-o silchidarerangko ra∙gija manderangko jingjengatgija jegalanirangko dakna bilko on∙a. Indiba chinga uko dakna man∙ja,” ine Shylla parakatenba, sorkari ia obostako namatna sikmanchagenchimode uamang koela-ko bikotna niamrangko tarie on∙na man∙gen aro iakon uamang dabienga ine ua aganangaha.
Na·simang iakoba nina man·gen:
Na·simang iakoba poraina man·gen: Shillong-o NASSCOM Industry Leaders’ Meet 2026-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
