Shillong, Feb 25: Adita salrangna skang koela a·damo goprete a·sel ong·anio saknaa man·giparangna a·dok sorkarini dakchake on·anirang chu·ongja ine Meghalaya High Court parakataha.
Ia a·sel ong·anio sianggipa sakchet manderangni nokdangrangna tangka Rs. 2,40,000-ko a·dok sorkari on·genchimoba, Nepal-oni sak 15 aro Assam-oni sak 13 mande sianggiparangni nokdangrangna tangkarangko on·ani bidingo mamung u·iatanirang dongjaha ine Mongolbar salo, division bench-ni Justice HS Thangkiew aro Justice W Diengdoh parakataha.
“Ian dakna amgijagipa kam ong·ja ine Kachari nikna man·enga. Nepal-oni sianggipa manderangni nokni manderang jemangnan tangkarangko on·pilskana nangachim, uamangni bidingo am·sandina gong·raken Nepalese Embassy gita ja·ku de·na man·a,” ine bench talatangaha.
Uandake, Assam aro Nepal-oni sianggipa manderangni nokdangrangna tangkarangko sokatna ta·raken kam ka·china kachari a·dok sorkarina ge·etaniko on·atenba, ian a·dokni dakna nangchongmotgipa ong·a, aro iandakgipa obostarango niamni gita kragipa ja·kurangko de·anichi manderangni gisiko ka·donganiko on·na nanga ine aganangaha.
Indake ong·engon, sianggipa manderangni nokdangrangko sandie u·ina neng·nikanirangko man·aha ine Advocate General talataha, indiba kachari ia kattako ra·chakna neng·nikaha.
Na·simang iakoba nina man·gen:
Na·simang iakoba poraina man·gen: Shillong-ni Assam Regiment Centre-o meningococcal ine chanchichipgipa sabisiko man•e sak 2 sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
