23.8 C
Tura
spot_img

Koila cho•aniko ta•rakatchina sorkariko ADE Gasuapara Unit didiata

Must read

Baghmara, Jan 4: South Garo Hills, a•jao songdongenggipa manderang aro Association for Democracy Empowerment (ADE) Gasuapara Unit nangrime koila cho•aniko ta•rakatchina a•dok sorkariko didiataha.

ADE Gasuapara Unit-ni dilgiparang kobor ra•timgiparangna u•iatani gitade, National Green Tribunal (NGT) koila cho•aniko dontongatani a•sel South Garo Hills-o songdongenggipa bang•a hajal hajal manderang neng•nikaniko man•tokenga ine u•iataha.

NGT re•anggipa 2012 bilsio Meghalaya a•dokni samtangtango dongenggipa nitoriri jokenggipa chiring chibisikrang, tangsimgilgil buring bolgrimrang aro dal•dalgipa a•brirang koila cho•ani a•sel cham•e bon•roroangengani gimin mikkangchi indake ong•telaigipa chiring chibisikrang, buring bolgrimrangko name ripingangna miksonganio koila cho•aniko bon•atahachim.

NGT-ni koila cho•aniko bon•atani a•sel South Garo Hills-ni a•jao songdongenggipa bang•a manderang kam ka•e cha•na maming chol dongjae kangal ong•e, cha•a ringa gri janggi tangna nang•engaha aro dedrangko poraiatanirang bon•chongdikna nangaha.

Uni gimin mikkangchi manderangni namgnina aro kangal cholgri manderangni janggi tanganiko tang•doatna ba namdapatna ta•rake koila cho•aniko a.bachengattaipilchina ADE Gaauapara Unit aro ujolni manderang a•dok sorkariko mol•molataha.

ADE, dilgiparangni janapatani gitade Supreme Court-ni ge•eta gita koila cho•taianiko ta•rake a•bachengatpilchina gitaba dabiangaha. Maina niam gita koila cho•aniko a•bachengatpiltaigenchimode bang•a kangal cholgri manderang koila a•kolrango kam ka•e janggi tangna chol ong•gen ineba ADE-ni dilgiparang janapataha.

spot_img

More articles

spot_img
-->

Latest article