Imphal, Jan 19: Manipur a·doko gital dake so·sojengjeng ong·aniko nikna man·taienganichi, batanggimin konta 48-ni manderangni sia sak 7 gapaha. Bristibar attamchibara, Bishnupur a·jao mande sakbriko, silchidare kegipa manderang so·ote galangani ja·man, batanggimin konta 48-ni gisepo Manipur a·dokni dingtang dingtang biaprango manderangni sia sak 7 gapaha.
Bristibar attamchibara, Imphal songjinmaoni km 42-mang chel·ao donggipa Ningthoukhong Kha-Khunou songo, mande sakbriko silchidare ra·bitgipa manderang so·ote galangaha aro so·ota man·gipa manderangara Ningthoukhong Kha-Khunou songni bilsi 50 ong·gipa Thiyam Somen Singh, bilsi 38 ong·gipa Ningthoujam Nabadip Meitei, bilsi 63 ong·gipa Oinam Bamoljao Singh aro bilsi 32 ong·gipa Oinam Manitomba Singh ong·achim.
A·sel ong·ani ja·man uamangni manggisirangko Imphal-ni Regional Institute of Medical Sciences (RIMS)-ona ra·angaha.
Iana salsa skangsan, Moreh a·jaoba, bobil dake chakatgipa dolni manderang baksa gogrikanio police sakgni so·otako man·ahachim aro Bristibar pringoba, bobil dake chakatgipa manderang baksa gogrike, songni mande saksa so·otako man·ahachim.
Iakoba poraie nina man·gen: Uttar Pradesh-ni gimaenggipa bilsi 14-ni me•chik bi•sako Assam police jokata
Watch
