Shillong, Oct 29: Khasi Students Union (KSU) Mawkyrwat Unit, a·jao rong·mesak bikotaniko champengdilanio mingsinga man·gipa Ma Spility Lyngdoh Langrin sagiko, uni siani bilsi-gittam gapaniko gisik ra·enba mija Sonibar salo mande ra·aniko dakangaha.
South West Khasi a·jani Domiasiat minggipa songoni Ma Langrin, a·ningni gam donggipa a·dam Domisiat-oniko rong·mesak bikotna gita Uranium Corporation of India (UCIL)-na a·dok sorkarini bil on·aniko raken jegaldilaniko dake a·jani manderangna gisik ra·na krabegipa kamko ka·e donangaha.
Uandake, rong·mesak bikotani kosako jegalaniko dakdilgipa Ma Spility Lyngdoh-ni siani salko bilsiantin October 28 tariko “Anti-Uranium Day” ine donenba gisik ra·aniko dakna gita, Khasi Students Union (KSU) Mawkyrwat unit parakatahachim.
A·jao rong·mesak donganiko cho·e am·sandianiko dakna gita 1993 bilsio Atomic Minerals Directorate-ni jako ra·ani ja·man, a·atangko palchina gita UCIL-ni bang·a tangkarangko on·aniko ra·chakna gita jechake Ma Lyngdoh, songsul-noksulrangni de·mittelaniko man·aha, aro uni ja·man ‘Iron Lady’ ineba uko mingsingna gita a·bachengaha.
Iakoba poraie nina man·gen: Baghmara-o District & Sessions Court Complex-ko nokdonggaa
Watch
